Xitayda démokratiyining qachan ishqa ashidighanliqini wén jyabaw emes xelq belgileydu

• Muxbirimiz welining bu heqtiki tolu melumati
• Download story audio

Bügün xelq'arada metbu'atlarda élan qilin'ghan xitay heqqidiki xewerlerning ichide, xitayda her yili bir qétim échilidighan ikki chong yighin yene bashlinish aldida turuwatqanliqi heqqidiki xewer, mulahiziler bir qeder muhim salmaqni igileydu. Shinxu'a agéntliqining bayan qilishiche, hazir xelq wekilliri, siyasiy kéngesh wekilliri béyjinggha kélishke teyyarliniwatidu. Ularning ichide, yéza mektepliride oqughuchilarning séliqini pütünley yoq qilish heqqide teklip teyyarlawatqan wekil sani 20 din ashqanliqi melum. Xiyanetchilikke qarshi turush, xelq turmushini yaxshilashqa da'ir chong tekilip teyyarlawatqanlarning sanimu xéli köp iken.

B b s ning xewer qilishiche, xitayda ikki chong yighin bashlinish harpisida, 26 ‏- féwral küni xitayning bash minisitiri wén jyabaw öz namida bir maqale élan qilghan. Wén jyabaw maqaliside, xitayda bazar igiliki tüzümi , démokratiye tüzümi we jem'iyet edli-adalet tüzümi téxi mukemmel emeslikini, xiyanetchilik, parixorluqning yene mewjutliqini étirap qilghan. Wén jyabaw buning sewebini chüshendürgende 'biz téxiche sotsi'alizimning eng tüwen basquchida turuwatimiz' dégen. Wén jyabaw buni hel qilish üchün 'biz tinch tereqqi qilish bayriqini dawamliq igiz kötürimiz. Partiyimizning sotsi'alizimning töwen basquchi nezeriyisini tewrenmenmestin yene 100 yil dawamlashturimiz' dégen.

Wén jyabaw bu yilqi ikki chong yighin üchün aldin ramka belgiligen

Uyghur milliy herikitining yétekchisi rabiye qadir xanim del béyjingda her yili bir qétim échilidighan ikki chong yighin yene bashlinish aldida turuwatqanda, wén jyabaw yighin'gha ramka belgilewatidu, yighinda xelqning derdige wekillik qilidighan wekiller otturigha qoyidighan tekliplerni ret qiliwatidu, dep mulahize qilidi.

Ikki chong yighinda aldi bilen xiyanetchilik, kishilik hoquq , xelq turmushini yaxshilash mesililiri muzakire qilinip hel qilinishi kérek

Rabiye xanim wén jyabawning xitay yene sotsi'alizmning töwen basquchida100 yili turidighanliqi toghrisidiki neziriyisige reddiye berdi we uni ret qildi we xitayda démokratiyining qachan ishqa ashidighanliqini wén jyabaw emes xelq belgileydu, dep körsetti, shundaqla bu ikki chong yighinda aldi bilen xiyanetchilik mesililiri, kishilik hoquq jehettiki mesililer , xelq turmushini yaxshilash mesilisi muzakire qilinip hel qilinishi kéreklikini tekitlidi. (Weli)