Dewager nurun'gül toxti: junggo puqrasi bolushni xalap ketmeymen

Sürette, shaire göher memet.

Saqchilarning tewsiye we tehditliri kargha kelmigendin kéyin, döletlik erziyet idarisidin mexsus adem kélip, ularning erzini bir terep qilish heqqide wede bergen we ularni döletlik erziyet idarisige apirip söhbetliship erzlirini bir-birlep anglap chiqqan. Söhbette erzdarlardin bir nepiri öz shexsiy erzi heqqide éghiz achmighan, pütünley Uyghur millitining naraziliq héssiyati we oy-pikirlirini bayan qilghan. U, mes'ul xadimgha héch ikkilenmestin: “Men junggo puqrasi bolushni xalap ketmeymen” dégen.

Béyjingdiki Uyghur dewagerlerning sani kündin-kün'ge köpeymekte. Erzini hel qilalmighan dewagerler öz naraziliqlirini türlük shekil we türlük mezmunlarda ipadilimekte. Ötken aylarda b d t qorusi aldida topliship naraziliq bildürgen bu erzdarlar bu qétim, xitay kompartiyisi siyasiy qanun komitétining derwazisi aldida topliship olturuwalghan we erzliri soralmighuche ornidin turmaydighanliqini bildürgen. Erz qilish dawamida shexsiy teqdiri bilen Uyghur millitining siyasiy teqdiri arisidiki baghlinishni bayqighan bir türküm erzdarlar, erzlirini bayan qilghanda, Uyghurlarning omumiy milliy iradisi we milliy héssiyatlirini ipadileshkimu ehmiyet bermekte.

Yuqirida bayan qilin'ghan shikayetler bügün Uyghur jem'iyitining hemme jaylirida tekrarlinip turidighan, emma xitay axbaratida yézilmaydighan, xitayning qurultaylirida bayan qilinmaydighan shikayetler. Bezi chet'ellik Uyghur weziyitini közetküchiler bu xil milliy iradige te'elluq shikayetlerni Uyghur rayonining atalmish Uyghur rehberliridin we atalmish xelq wekilliridin kütüshmekte.

Emeliyette bu qétim bu shikayetni qilghuchi, aqsuning uchturpan nahiyisidin xitay ölkilirige kélip ushshaq tijaret bilen shughulliniwatqan nurun'gül toxti isimlik bir xanimdur.

Yuqiridiki awaz ulinishidin tepsilatini anglighaysiz.