Diniy zat abdul'eziz ependi se'udi erebistandiki Uyghur oqughuchilarni xitayning damigha dessimeslikke chaqirdi

Se'udi erebistandiki xitay elchixanisining medine uniwérsitétidiki Uyghur oqughuchilarni qoynigha tartishqa urunushi muhajirettiki Uyghur pa'aliyetchilirining diqqitini qozghidi.
Muxbirimiz shöhret hoshur
2011-03-24
Share

Türkiyidiki Uyghur pa'aliyetchi hem diniy zat abdul'eziz ependi bügün muxbirimizning ziyaritini qobul qilip, se'udidiki Uyghur oqughuchilarni xitay elchixanisining damigha dessimeslikke chaqirdi. U xitay elchixanisining Uyghur oqughuchilargha yardem puli bermekchi bolushini, mezkur oqughuchilarni özlirige boysundurush we ularning exlaqiy jehettiki pakliqini bulghash dep chüshendürdi.

Abdul'eziz ependi xitay elchixanisidin bérilgen pulni qobul qilish-qilmasliq mesilisini mundaq üch nuqtidin chüshendürdi. Uning bildürüshiche, bu aldi bilen bir milliy meydan mesilisi. Nöwette muhajirettiki Uyghur teshkilatliri, Uyghur xelqining xitayning hakimiyitini qobul qilalmaydighanliqini, xitayning Uyghurlarni peqet qoral küchige tayinipla idare qiliwatqanliqini otturigha qoymaqta. Xitay hakimiyiti bolsa, Uyghurlarning xitay hakimiyitini qollaydighanliqini, qarshi turghuchilarning az sandiki kishiler ikenlikini bildürmekte. Abdul'eziz ependining qarishiche, xitay elchixanisidin bérilgen pulni qobul qilish xitayning yuqiriqi pikrini testiqlash we uninggha ispat bolush démektur.

Abdul'eziz ependining bildürüshiche, mesilining ikkinchi teripi diniy prinsiplargha chétishliqtur. Islam dini kishilerni heq-naheq mesiliside meydani éniq bolushqa, zalimgha we zorawan'gha shérik bolmasliqqa chaqiridu. Xitay elchixanisidin yardem puli élish ularni tebi'iy halda elchixana bilen alaqe ornitishqa, elchixanining pa'aliyetlirige qatnishishqa we axirqi hésabta ular üchün xizmet qilishqa élip baridu.

Abdul'eziz ependining yene bildürüshiche, mesilining yene bir diqqetke sazawer teripi insaniy exlaq mesilisidur. Abdul'eziz ependi xitay elchixanisining Uyghur oqughuchilargha pul yardem qilish arqiliq ularning exlaq tarixigha dagh chüshürmekchi boluwatqanliqini, bu arqiliq ularning xelq ichidiki izzet-abroyini yerge urmaqchi we jama'etning aldida sözi ötmes we kargha kelmes bir kishige aylandurup qoyush qestide ikenlikini alahide eskertidu.

Yuqirida diniy zat abdul'eziz ependining xitay elchixanisining yardem puli heqqidiki qarashlirini diqqitinglargha sunduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet