Ислам дуня иттипақи һәққидә қисқичә мәлумат

Ислам дуня иттипақи - сәуди әрәбистаниниң мәккә мукәррәмә шәһиридә 1962 - йили 18 - май күни қурулған хәлқаралиқ исламий иттипақтур. Қараргаһи һазирму мәккә мукәррәмә шәһиридә болуп кәлмәктә.
Мухбиримиз өмәрҗан тохти
2009.03.17
Share on WhatsApp
Share on WhatsApp

Ислам дуня иттипақи дуняниң һәрқайси җайлиридики мусулман хәлққә вәкиллик қилиду, уларниң мушкилатлирини исламий йол билән һәл қилишқа тиришду вә дуняниң һәр қайси җайлирида ислам динини тәшвиқ қилиш ролини ойнайду.

Пакистан фәйсәл университетини пүттүргәндин кейин, сәуди әрәбистаниниң мәккә мукәррәмә шәриһиридики " ислам дуня ттипақи"да илмий хизмәт билән шуғуллинип келиватқан абдураһман һаҗим бизниң сөһбитимизни қобул қилған иди.

Абдураһман һаҗим билән сөһбәт

Абдураһман һаҗим "ислам дуня иттипақи"тәшкилатини тонуштуруп мундақ диди: " ислам дуня иттипақи дуняниң һәр қайси җайлиридики мәшһур алим - өлималарниң иштирак қилиши билән тәсис қилинған. Ислам дуня иттипақини тәсис қилғучилар ичидә шәрқий түркистан хәлқиниң лидерлиридин мәрһум муһәммәд әмин буғраму бар иди. Дуня ислам иттипақи бирләшкән дөләтләр тәшкилатиниң иҗтимаий вә иқтисадий көмитетлириға, хәлқара тәлим - тәрбийә тәшкилати (юниско)ға, хәлқара балилар тәшкилати(юнисиф)қа, хәлқара ислам қурултийиға, әрәб дөләтлири иттипақиға әза болуп, бу тәшкилатларниң йиғинлириға көзәтчи сүпитидә иштирак қилиду."

"Ислам дуня иттипақи" тәшкилатиниң ғайиси

Абдураһман һаҗим йәнә мундақ диди:" "ислам дуня иттипақи"тәшкилатиниң мәқсити һәққидә мундақ диди: " ислам дуня иттипақи ислам дөләтлиридики мусулманларниң вә шундақла ғәйри ислами мәмликәтләрдики аз санлиқ мусулманларниң ғемини йәйду вә улар үчүн хизмәт қилиду. Мусулманларниң дин, мәдәнийәт вә тәрбийә сәвийисини көтүрүш үчүн тиришиду вә ишләйду. Ислам дуня иттипақи ғайисини ишқа ашурушта ислам шәриитигә зит кәлмәйдиған пүтүн васитиләрни қоллиниду. Ислам дәвитини қанат яйдуруш йолида заманниң тәрәққиятиға лайиқ усул вә чариләрни қоллиниду."

"Ислам дуня иттипақиниң" тәшкилатиниң көлими вә хизмәт даириси

Абдураһман һаҗим йәнә мундақ диди:" "ислам дуня иттипақи"тәшкилатиниң көлими вә хизмәт даириси һәққидә мундақ диди: ислам дуня иттипақиниң дуняниң һәрқайси җайлирида 40 тин артуқ шөбилири болуп, улар мусулманлар үчүн хизмәт қилиду. Хусусән, мәсҗидләрни бина қилиш, мәктәбләрни ечиш вә намрат районларға ярдәм қилиш, ислам динини тәшвиқ қилиш вәзиписини өтәйду. Ислам дуня иттипақиниң тәркибидә ислам қурултийи, иттипақниң тәсис йиғини, мәсҗидләр комитети, фиқһи академийиси қатарлиқлар орун алған. Мундин башқа хәлқара ислами қутқузуш фонди, қуран вә һәдис тәтқиқат һәйити, мәккә хәйрийәт җәмийити, қуран ядлитиш хәлқаралиқ һәйити, хәлқаралиқ ислам тәшвиқат комитети, йеңи мусулманларни йетиштүрүш комитети қатарлиқ көплигән һәйәт вә комитетилар ислам дуня иттипақиниң йетәкчиликидә иш көриду."

Абдураһман һаҗимниң ейтишичә, ислам дуня иттипақиниң һәйәт вә комитет әзалири дунядики охшашмиған мусулман милләтләрдин талланған өлима, мутәпәккур вә язғучилардин тәркиб тапқан.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт