Islam dunya ittipaqi heqqide qisqiche melumat

Islam dunya ittipaqi - se'udi erebistanining mekke mukerreme shehiride 1962 - yili 18 - may küni qurulghan xelq'araliq islamiy ittipaqtur. Qarargahi hazirmu mekke mukerreme shehiride bolup kelmekte.
Muxbirimiz ömerjan toxti
2009.03.17
Share on WhatsApp
Share on WhatsApp

Islam dunya ittipaqi dunyaning herqaysi jayliridiki musulman xelqqe wekillik qilidu, ularning mushkilatlirini islamiy yol bilen hel qilishqa tirishdu we dunyaning her qaysi jaylirida islam dinini teshwiq qilish rolini oynaydu.

Pakistan feysel uniwérsitétini püttürgendin kéyin, se'udi erebistanining mekke mukerreme sherihiridiki " islam dunya ttipaqi"da ilmiy xizmet bilen shughullinip kéliwatqan abdurahman hajim bizning söhbitimizni qobul qilghan idi.

Abdurahman hajim bilen söhbet

Abdurahman hajim "islam dunya ittipaqi"teshkilatini tonushturup mundaq didi: " islam dunya ittipaqi dunyaning her qaysi jayliridiki meshhur alim - ölimalarning ishtirak qilishi bilen tesis qilin'ghan. Islam dunya ittipaqini tesis qilghuchilar ichide sherqiy türkistan xelqining lidérliridin merhum muhemmed emin bughramu bar idi. Dunya islam ittipaqi birleshken döletler teshkilatining ijtima'iy we iqtisadiy kömitétlirigha, xelq'ara telim - terbiye teshkilati (yunisko)gha, xelq'ara balilar teshkilati(yunisif)qa, xelq'ara islam qurultiyigha, ereb döletliri ittipaqigha eza bolup, bu teshkilatlarning yighinlirigha közetchi süpitide ishtirak qilidu."

"Islam dunya ittipaqi" teshkilatining ghayisi

Abdurahman hajim yene mundaq didi:" "islam dunya ittipaqi"teshkilatining meqsiti heqqide mundaq didi: " islam dunya ittipaqi islam döletliridiki musulmanlarning we shundaqla gheyri islami memliketlerdiki az sanliq musulmanlarning ghémini yeydu we ular üchün xizmet qilidu. Musulmanlarning din, medeniyet we terbiye sewiyisini kötürüsh üchün tirishidu we ishleydu. Islam dunya ittipaqi ghayisini ishqa ashurushta islam sheri'itige zit kelmeydighan pütün wasitilerni qollinidu. Islam dewitini qanat yaydurush yolida zamanning tereqqiyatigha layiq usul we charilerni qollinidu."

"Islam dunya ittipaqining" teshkilatining kölimi we xizmet da'irisi

Abdurahman hajim yene mundaq didi:" "islam dunya ittipaqi"teshkilatining kölimi we xizmet da'irisi heqqide mundaq didi: islam dunya ittipaqining dunyaning herqaysi jaylirida 40 tin artuq shöbiliri bolup, ular musulmanlar üchün xizmet qilidu. Xususen, mesjidlerni bina qilish, mekteblerni échish we namrat rayonlargha yardem qilish, islam dinini teshwiq qilish wezipisini öteydu. Islam dunya ittipaqining terkibide islam qurultiyi, ittipaqning tesis yighini, mesjidler komitéti, fiqhi akadémiyisi qatarliqlar orun alghan. Mundin bashqa xelq'ara islami qutquzush fondi, qur'an we hedis tetqiqat hey'iti, mekke xeyriyet jem'iyiti, qur'an yadlitish xelq'araliq hey'iti, xelq'araliq islam teshwiqat komitéti, yéngi musulmanlarni yétishtürüsh komitéti qatarliq köpligen hey'et we komitétilar islam dunya ittipaqining yétekchilikide ish köridu."

Abdurahman hajimning éytishiche, islam dunya ittipaqining hey'et we komitét ezaliri dunyadiki oxshashmighan musulman milletlerdin tallan'ghan ölima, mutepekkur we yazghuchilardin terkib tapqan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.