2 - Nöwetlik xelq'araliq türk dunyasi medeniyet yighini axirlashti

2 - Nöwetlik xelq'araliq türk dunyasi medeniyet ilmiy muhakime yighini axirlashti. 25 Dölettin 400 etrapida, tarixchi, türkolog, arxé'olog, edebiyatchi, yazghuchi we sha'irlar qatnashqan yighin 5 kün dawam qilghan bolup, yighinning yépilish murasimida izmir ege uniwérsitéti türk dunyasi tetqiqat énistituti bashliqi proféssor doktor fikret türkmen bilen türkiye til tetqiqat idarisi sabiq bashliqi proféssor doktor exmet bijan erjilasun söz qilghan.
Muxbirimiz erkin tarim
2010-04-23
Élxet
Pikir
Share
Print
Süret, 4 - ayning 19 - küni bashlanghan 2 - nöwetlik xelqaraliq türk dunyasi medeniyet ilmiy muhakime yighini échilish murasimiddin bir körünüsh.
Süret, 4 - ayning 19 - küni bashlanghan 2 - nöwetlik xelqaraliq türk dunyasi medeniyet ilmiy muhakime yighini échilish murasimiddin bir körünüsh.
RFA Photo / Erkin Tarim

Ular qilghan sözide, bu yighinning muweppeqiyetlik ötkenlikini, bolupmu bu qétimqi yighin'gha köp sanda yash ziyaliylarning qatnashqanliqining kishini qattiq söyündüridighan bir ehwal ikenlikini éytqan. U sözide yene, bu ilmiy muhakime yighinida peqet ilmiy maqaliler oqulupla qalmastin, türk dunyasining mesililiri we bu mesililerni hel qilish yolliri muzakire qilin'ghanliqini éytqan.

Biz bu heqte tepsiliy melumat élish üchün yighin'gha sahipxanliq qiliwatqan ege uniwérsitéti oqutquchisi proféssor doktor alimjan inayet we yaponiye Uyghur jem'iyiti bashliqi ilham mexmut ependiler bilen söhbet élip barduq.

Bu ilmiy muhakime yighinigha qatnishish üchün béyjingdiki merkiziy milletler uniwérsitétidin ilham toxti qatarliq 8 oqutquchi wiza alghan bolsimu, xitay hökümiti bularning tötining kélishige ruxset bermigen.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet