Dunya Uyghur yashlirining qérindashliq uchrishishi gérmaniyide ötküzüldi

Sürette, 2010 - yili 10 - ayning 22 - küni gérmaniyining myunxén shehiride ötküzülgen dunya uyghur yashlirining qérindashliq uchrishishida, amérika xelqara démokratiyini ilgiri sürüsh fondidin luisa xanim we d u q ning yawrupa parlaméntida turushluq wekili memet toxti ependi sehnide.

Bu qétimqi pa'aliyetke amérika xelq'ara démokratiyini ilgiri sürüsh fondidin lu'isa xanim, d u q mu'awin re'isi esqerjan, d u q bash katipi dolqun eysa we d u q ning yawrupa parlaméntida turushluq wekili memet toxti qatarliqlar qatnashqandin sirt, gérmaniyidiki köpligen jama'et sahipxan süpitide qatnashti.
 
Bu pa'aliyetni teshkilligen d u q yashlar komitétining re'isi gheyur ependi pa'aliyet meydanida ziyaritimizni qobul qilip, bu qétimqi uchrishishqa 9 dölettin 40 qa yéqin yashlar wekilining kélip qatnashqanliqini, bu yighinning dunya Uyghur yashlirining bundin kéyin sherqiy türkistan dewasigha ige chiqish yolida basqan bir ijabiy qedem bolidighanliqini tilgha aldi.

RFA Photo / Ekrem

 
Pa'aliyet zaligha herqaysi döletlerning dölet bayraqliri ésilghan bolup, yighin üchün kelgen yashlarning keypiyati kötürenggü, sorun tolimu qaynaq idi. Neq meydanda ziyaritimizni qobul qilghan herqaysi döletlerdin kelgen yashlar wekilliri özlirining bu uchrishishtin tolimu memnun ikenlikini bildürdi.
 
D u q ning yawrupa parlaméntida turushluq wekili memet toxti ependi, yashlarning bu qétimqi uchrishishidin sherqiy türkistan dewasining kélechiki nuqtisidin köp ümidlen'genlikini tekitlidi. Gérmaniye Uyghur ayalliri komitéti re'isi gulnar xanimmu bu qétimqi yighilishqa yuqiri baha berdi.
 
Bu uchrishishta konkrétni mesililer muzakire qilin'ghan hem bezi qararlar élin'ghandin bashqa, yighindin sirtqi chaghlarda medeniy köngül échish pa'aliyetliri uyushturulghan bolup, yashlar sap Uyghurche naxsha - usullar bilen özlirining milliy kimlikini namayen qilishqa ehmiyet berdi.


Yuqiridiki awaz ulinishidin, bu heqtiki melumatimizning tepsilatini anglaysiler.