Dunya Uyghur yashlirining qérindashliq uchrishishi axirlashti

Süret, - ayning 22 - küni gérmaniyining myunxén shehiride ötküzülgen dunya uyghur yashlirining xelqaraliq dostluq, hemkarliq, qérindashliq uchrishish yighinidin körünüsh.

Murasimgha d u q mu'awin re'isi esqerjan, bash katip dolqun eysa, d u q ning yawrupa parlaméntidiki wekili memet toxti qatarliq qurultay rehberlirimu qatnashti.
 
9 Dölettin kelgen 50 etrapida yash oghul - qizlar bu murasimda üch künlük yighinda qolgha keltürgen netijilirini milliy naxsha - usulliri bilen tebrikleshti. D u q yashlar komitétining re'isi gheyur ependim bu qétimqi Uyghur yashlirining xelq'araliq yighilishining özi közligendin ziyade netije yaratqanliqini tilgha aldi.

RFA Photo / Ekrem

 
Yighin'gha qatnashqan yashlar ziyaritimizni qobul qilghanda, hemmisila dégüdek bu yighindin köp memnun bolghanliqini ipadilidi.
 
D u q yashlar komitétining re'isi gheyur ependi bu qétimqi Uyghur yashlirining xelq'araliq uchrishish yighinida hasil qilin'ghan pikir birliki we pilan - programmilirini qisqiche tonushturup ötti.
 
D u q ning yawrupa parlaméntidiki wekili memet toxti ependi bolsa, pütün döletlerdiki ata - anilarni yashlarning bu pa'aliyetlirini qizghin qollashqa chaqirdi.
 
Yighinning échilish murasimida nutuq sözligen amérikining xelqara démokratiyini ilgiri sürüsh fondining xadimi lu'isa xanim, Uyghur yashlirining bu qétimqi uchrishishigha yuqiri baha bergen we bu pa'aliyetning kelgüsi tereqqiyatining téximu parlaq bolushigha tilekdashliq bildürgen idi. Qurultay mu'awin re'isi esqerjan ependimu tebrik nutqi sözlep, Uyghur milliy dewasining yashlardin kütidighan telep - isteklirini bildürüp ötken idi.

Yuqiridiki awaz ulinishidin, bu heqtiki melumatimizning tepsilatini anglaysiler.