D u q 2 - nöwetlik wekiller qurultiyi heqqide axbarat bayannamisi élan qildi
2006.11.20
11 – Ayning 17 – küni d u q gherb axbarat saheside axbarat bayanati élan qilip, 2 – nöwetlik wekiller qurultiyining 11 –ayning 24 – künidin 27 – künigiche gérmaniyining myunxén shehride chaqirilidighanliqini jakarlidi.
D u q rehberlirining bergen melumatigha asaslan'ghanda, bu qétimqi wekiller qurultiyigha ottura asiyadiki döletlerdin, amérika, kanada, türkiye, awstraliye, se'udi erebistan, gollandiye, bélgiye, fransiye shwétsiye, norwégiye, en'giliye, shwétsariye we gérmaniyidiki Uyghur teshkilat wekilliridin bashqa, gérmaniye fédéral hökümet da'iriliri, bawariye hökümiti we parlaméntning wekilliri, partiye rehberliri, xelq'ara insan heqliri teshkilatlirining mes'ullirimu ishtirak qilidiken.
Yighinning échilish murasimida, xelq'ara kechürüm teshkilati, xeter astidiki milletlerni qoghdash teshkilati, chégrisiz insan heqliri teshkilati we wekaletsiz milletler teshkilati qatarliq insan heqliri teshkilatlirining rehberliri söz qilidiken.
Bu qétimqi qurultaygha, sherep méhmini süpitide Uyghurlarning meniwi anisi, Uyghur milliy herikitining rehbiri, ataqliq kishilik hoquq pa'aliyetchisi rabiye qadir xanimmu ishtirak qilidiken. D u q ning re'isi erkin aliptékin ependi, rabiye qadir xanimgha "Uyghur mukapati" teqdim qilip, rabiye qadir xanimning Uyghur milliy mujadilisi yolida serip etken ejrige teshekkürler bildüridiken.
Bu qétimqi qurultayda, d u q ning rehberlik apparatida özgirish bolidiken. Wekiller yéngi rehberlik hey'itini démokratik saylam arqiliq békitip chiqidiken.
D u q ning axbarat bayannamisida, bu qétimqi qurultayning sherqiy türkistan milliy dewasining kélechiki we tereqqiyat üchün dewir bölgüch ehmiyetke ige muhim bir tarixi hadise bolidighanliqi ilgiri sürülgen.
Bayannamida, d u q ning bu qétimqi yighinida, barliq démokratik döletler we dunya jama'etchilkining xitay hökümitige köprek bésim ishlitip, Uyghurlarning erkinliki we özlirining siyasi kelgüsini özliri teyin qilishini öz ichige alghan eng asasliq heq - hoquqlirigha kapaletlik qilishqa chaqiriq qilinidiken. (Ekrem)
Munasiwetlik maqalilar
- D u q bash katipi dolqun eysa yaponiye ziyariti heqqide toxtaldi
- Uyghurlar mesilisi yaponiye parlaméntida
- Kompartiye xitayda "inaq jem'iyet" quralamdu ?
- D u q rabiye xanimning nobél mukapatigha namzat bolghanliqi munasiwti bilen ochuq xet élan qildi
- D u q bayanatchisi dilshat rishit chet'ellerdiki teshwiqat xizmetliri heqqide toxtaldi
- Dunya Uyghur qurultiyi wén jyabawning gérmaniye ziyariti harpisida Uyghur mesilisini otturigha qoydi
- D u q ning bash katipi dolqun eysa enqerede muhim uchrishishlarni élip bardi
Köp körülgen xewerler
RFA
- Abduweli ayup: “Xitaygha bérip kéliwatqan Uyghurlarning köpiyishi jiddiy mesile!”
- “Uyghur xelq naxshiliri” ni ögitishmu yaki Uyghurlargha “Heywe” körsitishmu?
- Amérika awam we kéngesh palata ezaliri xitayning gülshen abbasni derhal qoyup bérishni telep qilghan
- Uyghurshunaslar: prinséton uniwérsitétida “Eziz eysa elkün Uyghur edebiyati eserliri toplanmisi” ning bolushi tarixiy ehmiyetke ige
- Hazirqi zaman Uyghur edebiyatigha béghishlan'ghan “Qum astidiki izlar” namliq eser gérmaniyede neshr qilindi