D u q wekilliri yawropa parlaméntida ötküzülgen yighinda


2006-12-12
Share

D u q re'isi rabiye qadir xanim we qurultay mu'awin re'isi esqejan, ijra'iye komitéti re'isi alim séyitlerdin terkip tapqan d u q hey'iti 11 – ayning 27- künidin 30- künlirigiche yawropa parlaméntini ziyaret qilip, yawropa parlaméntining yuqiri derijilik rehberliri, parlemént ezaliri bilen uchrushup, ulargha sherqiy türkistandiki omumi weziyet heqqide tepsili melumatlar bergen hemde ularning Uyghur mesilisige bolghan qiziqishi, hésdashliqini qozghap, bir qatar siyasiy pa'aliyetlerni élip barghan idi.

12 – Ayning 6 – künidin 9 – künigiche, dunya Uyghur qurultiyining bash katipi dolqun eysa ependi we d u q ning sabiq mu'awin re'isi enwerjan ependiler, yene bir qétim yawropa parlaméntida transnati'onal radikal partiyining sahipxanliqi bilen ötküzülgen " Lébéralizim we démokiratiye" namliq xelq'araliq yighin'gha qatnashqan. Bu yighin'gha yawropa parlaméntning ezaliri, yawropa döletliridiki siyasi partiyilerning rehberliri, démokratiye we insan heqliri pa'aliyetchiliri, xelq'ara teshkilatlirining wekilliridin bolup 300 din artuq kishi qatnashqan.

Dunya Uyghur qurultiyining bash katipi dolqun eysa ependi we d u q ning sabiq mu'awin re'isi enwerjan ependiler yighinda söz qilip, sherqiy türkistandiki démokratiye we kishilik hoquq weziyetliri heqqide melumatlar bérip ötken.

Yighinda yene, dunyaning her qaysi jayliridin kelgen siyasetchiler, dölet erbabliri, parlamént ezaliri we démokratiye, insan heqliri pa'aliyetchiliri söz qilip, démokratiye we libéralizm heqqidiki pikirlirini otturgha qoyghan we muzakiriler élip barghan.

Yighin jeryanida dolqun eysa we enwerjan ependiler yawropa parlaméntining mu'awin re'isi edward Mc-Millan Scott, yawropa parlaménti tashqi ishlar komitétining mudiri Benita Ferrero-Waldner, yawropa libéral we démokratiye ittipaqining rehbiri, parlamént ezasi Graham Waston, transnati'onal radikal partiyining rehbiri Marco Pannella, merkizi amérikidiki démokratiyini ilgiri sürüsh wexpining re'isi karl gérshman qatarliq kishiler bilen ayrim-ayrim uchrushup söhbet élip barghan we ulargha Uyghurlar mesilisi heqqide melumat bergen.

12-Ayning 8-9-künliri yawropa parlaméntida yene dölet halqighan radikal partiyisining ijra'iye hey'iti yighini bolup ötken. Bu yighin'gha partiye ijra'iye hey'itining ezaliri, partiye ezaliri we dunyaning her qaysi döletliridin kelgen siyasetchiler, parlamént we hökümet erbabliri bilen birge, dolqun eysa we enwerjan ependilermu ishtirak qilghan. (Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet