د ئۇ ق ياۋروپا پارلامېنتى ۋە گېرمانىيە پارلامېنتىغا رەھمىتىنى بىلدۈردى


2006.12.27

11 – ئاينىڭ 20 – كۈنىدىن 30 – كۈنىگىچە، د ئۇ ق رەئىسى رابىيە قادىر خانىم باۋارىيە پارلامېنتى، گېرمانىيە پارلامېنتى ۋە ياۋروپا پارلامېنتىدا زىيارەتلەر ئېلىپ بېرىپ، ئۇلارنىڭ يۇقۇرى دەرىجىلىك ھۆكۈمەت خادىملىرىغا ئۇيغۇرلار مەسىلىسىنى ئاڭلىتىپلا قالماي، 12 – ئاينىڭ 6 – كۈنىدىن 9 – كۈنىگىچە، د ئۇ ق نىڭ باش كاتىپى دولقۇن ئەيسا ۋە سابىق مۇئاۋىن رەئىسى ئەنۋەرجان ئەپەندىلەر تەكلىپكە بىنائەن يەنە بىر قېتىم ياۋروپا پارلامېنتىغا بېرىپ، ئۇيغۇرلارنىڭ كىشىلىك ھەق – ھوقۇقلىرىنىڭ دەپسەندە قىلىنىش ئەھۋاللىرى ھەققىدە مەلۇماتلار بەرگەن ئىدى.

بۇ مۇناسىۋەت بىلەن، د ئۇ ق ياۋروپا پارلامېنتى، باۋارىيە پارلامېنتى ۋە گېرمانىيە پارلامېنتىغا خەت يېزىپ، مۇناسىۋەتلىك پارلامېنت خادىملىرىنىڭ ئۇيغۇرلار مەسىلىسىگە يېقىندىن كۆڭۈل بۆلگەنلىكىگە رەخمەت ئېيتقان ھەمدە ئۆزلىرىنىڭ ئارزۇ - تىلەكلىرىنى ئىپادىلىگەن.

بۇ ھەقتە، ئىختىيارى مۇخبىرىمىز ئەكرەمنىڭ د ئۇ ق مۇئاۋىن رەئىسى ئەسقەرجان ئەپەندى بىلەن ئېلىپ بارغان سۆھبىتىنى دىققىتىڭلارغا سۇنىمىز.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.