D u q bilen türk teshkilatliri rehberliri söhbet élip bardi


2007-01-08
Share

2007 – Yili 1 – ayning 5 – küni, d u q rehberliri bilen gérmaniyidiki töt chong türk teshkilati bolghan "milliy körüsh", "türk fédératsiyisi", "ölke ochighi" we "yawropa türk – islam birliki" teshkilatliri rehberliri arisida sherqiy türkistan mesilisi we d u q heqqide ilmiy söhbetler élip bérildi. D u q ning myunxéndiki bash shitabida élip bérilghan bu söhbetke türk teshkilatliri rehberliri bilen birge, d u q mu'awin re'isi esqerjan, ijra'iye komitéti mu'awin re'isi ablikim idris, d u q bash katipi dolqun eysa, ichki ishlar komitéti mudiri abdujélil emet we diniy ishlar komitétining mudiri turghunjan alawudun bashchiliqidiki qurultay rehberliri hem ezaliri ishtirak qilghandin sirt, "sabah géziti" we ATV téléwiziye qanili muxpirlirimu qatnashti.

Bu qétimqi söhbetke daxil bolghan türk teshkilatliri rehberliri, 2 – nöwetlik d u q ning ghelibilik chaqirilghanliqini qizghin tebriklidi, d u q re'isi rabiye qadir xanimgha bolghan chungqur hörmitini izhar qildi we Uyghurlar mesilisining bügün xelq'araliq bir mesile derijisige kötürülgenlikini, d u q ning xelq'araliq bir teshkilatqa aylinip, Uyghurlar mesilisining dunya siyasiy sehniside jiddiy bir téma haligha yétishige türtke bolghanliqini tekitlep, d u q rehberlirining ejri we töhpilirige apirin éyitti.

Özlirining Uyghurlar mesilisige izchil köngül bölüp kéliwatqanliqini, her qachan, her yerde Uyghurlar we Uyghur teshkilatliri üchün chami yetken derijide yardem qollirini sunidighanliqi, Uyghurlarning derdini öz derdi dep bilidighanliqini eskertishti. Bolupmu, d u q ning xitaygha qarshi siyasiy küreshliri sépidin özliriningmu bir kishilik orun élip, sherqiy türkistan xelqining istiqlal armanining emelge éshishigha hesse qoshush arzulirining barliqini ipade qilishti we öz teshkilatlirining d u q bilen mürini mürüge tirep küresh qilidighanliqini eskertti.

Türk teshkilatliri mes'ulliri, söhbetning axirida, d u q ning 2 – ayning 3 – küni, 5 – féwral ghulja weqesi" ning 10 yilliqini xatirilesh munasiwiti bilen, pütün dunyada xitaygha qarshi omumi yüzlük naraziliq heriketliri qozghaydighanliqidin xewer tapqandin kéyin, bu heriketke öz teshkilatliriningmu ishtirak qilishni xalaydighanliqini, bu heriketni yalghuz myunxénning özidila nechche ming kishilik bir namayishqa aylandurup, Uyghurlarning yalghuz emeslikini dunyagha jakarlashni arzu qilidighanliqi bildürüp ötti. Buning üchün, her qaysi türk teshkilatliri öz tarmiqidiki organlar we ezalirini hazirdin bashlap seperwerlikke keltürüp, 2 – ayning 3 – küni miyunxén sheher merkizide élip bérilidighan naraziliq namayishining tesirini yüksek bir pellige kötürüsh üchün hesse qoshudighanliqigha wediler bérishti.

Türk teshkilatliri bilen d u q arisida élip bérilghan bu qétimqi söhbette, Uyghurlar mesilisining kélechek tereqqiyati we Uyghurlarning istiqlal ghayisige yétishining chare – tedbirliri heqqide ikki terep otturisida muhakimilerni qanat yaydurush hemde öz-ara hemkarliqni izchil dawam qilish toghrisida kélishimler ipade qilindi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet