Rabiye qadir xanim yawropa parlaméntida muhim uchrishishlarni élip bardi

Dunya Uyghur qurultiyi re'isi rabiye qadir xanim qatarliqlar bélgiyining paytexti bryussélda bir yürüsh muhim uchrishishlarni élip bardi.
Ixtiyariy muxbirimiz erkin tarim
2012.10.30
rabiye-xanim-belgiyide-305.jpg Rabiye qadir xanim yawropa parlaméntida muhim uchrishishlarni élip bardi. 2012-Yili öktebir, bélgiye.
RFA/Erkin Tarim

Bular 27, 28-öktebir künliri Uyghur we türk teshkilatliri bilen birlikte qurban héyt pa'aliyiti we bashqa bezi pa'aliyetke qatnashqandin kéyin, 29-öktebir küni resmiy uchrishishlarni bashliwetti.

Aldi bilen, 29-öktebir küni bélgiye hökümiti tarmiqidiki musapirlargha yardem qilish teshkilati mes'ulliri bilen uchrashti. Körüshüshte, ottura asiyadin kélip bélgiyide siyasiy panahliq tiligen musapir Uyghurlarning mesilisi ulargha yetküzüldi. Ularmu musapir Uyghurlargha yardem qilish heqqide wede berdi. Burundin tartip Uyghur musapir mesilisige diqqet qiliwatqanliqini we bundin kéyinmu köngül bölidighanliqini éytti.

Ular chüshtin kéyin, yawropa ittipaqining hökümiti hésablinidighan yawropa komitétining tashqi ishlar ministirliqi mes'ulliri bilen körüshken. Körüshüshte tashqi ishlar ministirliqi mes'ullirigha Uyghurlarning hazirqi weziyiti, iz-déreksiz ghayib bolghan Uyghurlar mesilisi we köchmen xitaylarni sherqiy türkistan'gha yerleshtürüsh, xitayning Uyghur tilini, kültürini yoqitish heqqidiki qattiq qol siyasiti heqqide melumat bérilgen.

Igilishimizche, yawropa parlaméntida 2011-yili tarixiy sheher qeshqerni qoghdap qélish heqqide qarar maqullan'ghan. Ular bu qétimqi uchrishishta bu qararning emeliylishishi heqqide yawropa komitétidin wede alghan.

Biz bu uchrishishlar heqqide tepsiliy melumat élish üchün dunya Uyghur qurultiyi re'isi rabiye qadir xanim qatarliqlar bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.