Xitay hökümiti Uyghurlarning diniy erkinlikige tosqunluq qilmaqta


2006.04.05
Share on WhatsApp
Share on WhatsApp

Démokratik ellerde diniy erkinlikke kapaletlik qilish eng eqelliy uqumlardin bolup, her qandaq bir insan, her qandaq bir din'gha étiqad qilish hoquqigha ige. Biraq Uyghur aptonom rayonida wang léchü'en we isma'il tiliwaldi qatarliq xitay hökümet, kompartiye emeldarliri ilgiri ‏- kéyin bolup, diniy pa'aliyetlerni qet'iy chekleydighanliqini bildürgen.

Xitay kompartiyisining Uyghur aptonom rayonigha teyinligen partkom sékrétari wang léchü|en, Uyghur aptonom rayonida até'izm terbiyisini kücheytishni otturigha qoyup, xristi'an we katolik diniy guruhlarning rayon'gha singip kirishige qet'iy qarshi turup, buningdin mudapi'e qilishni telep qilghan. Arqidin isma'il tiliwaldi "üch xil küchlerning buzghunchiliq we bölgünchilik herikitige tewrenmey qattiq zerbe bérip, bolupmu chégra halqighan islam esebiy küchlirining rayonimizgha singip kirishige qattiq zerbe bérish we uning aldini élish" lazimliqini tekitligen.

Xelq'ara teshkilatlar, xitay hökümitini kishilerning diniy erkinlikini boghush shuningdek kishilik hoquqini depsende qilish qilmishiliri bilen eyiblewatqan peytte, wang léchü'en we isma'il tiliwaldining bu xil ibariler bilen meydan'gha chiqishi, dunyada Uyghurlarning kishilik hoquqi, diniy erkinliki qatarliq barliq imtiyazlirini qolgha keltürüsh üchün pa'aliyet élip bériwatqan teshkilatlardin biri bolghan dunya Uyghur qurultiyining qattiq naraziliqini qozghidi. Dunya Uyghur qurultiyining bayanatchisi dilshat rishit ependi bu heqte ziyaritimizni qobul qilip, qarashlirini otturigha qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet