D u q rehberliri b d t yighinigha qatnashti we jenwede namayish élip bardi


2007-09-25
Share

9 - Ayning 24 - küni b d t kishilik hoquq kéngishi yighini shiwétsariyining jenwe shehride bashlandi. Bu yighin'gha d u q rehberliridin ijra'iye komitétining mu'awin re'isi ablikim idris ependi riyasetchilikidiki qurultay rehberliri ishtirak qildi.

B d t kishilik hoquq kéngishining her yili chiqiriliwatqan yighinlirigha d u q rehberliri izchil qatniship kelmekte we sherqiy türkistandiki insan heqliri depsendichilikini otturigha qoyup, herqaysi dölet wekillirining diqqitini özige tartmaqta. Sherqiy türkistandiki xitay zulmigha a'it yilliq matériyallarni yighin ehlige teqdim qilip, dunya döletlirining xitaygha bésim ishlitishi üchün asas hazirlimaqta hemde b d t kishilik hoquq kéngishi arqiliq, b d t ning Uyghurlar heqqide qarar qobul qilishini qolgha keltürüshke tirishmaqta.

Yighindin bir kün burun, yeni 9 - ayning 23 - küni wekaletsiz milletler teshkilati we d u q ning teshkillishi bilen, wakaletsiz milletler teshkilatigha eza bolghan milletlerning wekilliri hem shwétsariye Uyghur jem'iyiti ezalirining ishtirakida jenwening sheher merkizide kocha yürüshi élip bérilghan hemde b d t ning jenwediki xizmet binasi aldida namayish qilin'ghan.( Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet