D u q rabiye xanimning nobél mukapatigha namzat bolghanliqi munasiwti bilen ochuq xet élan qildi


2006-09-12
Share
Rabiye qadir xanim 2005 – yili 15 - iyul küni gérmaniyining myunxén shehiride bashlan'ghan dunya Uyghur qurultiyining 2 - nöwetlik kéngeytilgen yighinida.

9 – Ayning 12 – küni, d u q re'isi erkin aliptékin ependi rabiye qadir xanimgha ochuq xet yollap "Uyghurlarning meniwi anisi, sherqiy türkistan milliy herikitining rehbiri, xelq'ara insan heqliri körishining bayraqdari bolghan möhterem rabiye qadir xanimning nobil tinchliq mukapati namzatliqigha körsitilishi tarixi ehmiyetke ige zor hadise." Dep körsetken.

Bu ochuq xette, "rabiye xanimning 2006 - yilliq nobel tinchliq mukapatigha namzat qilip körsitilishi sherqiy türkistan dewasi üchün zor utuq bolup hésablinidu. Bu, öz nöwitide Uyghurlarning insan heqliri we démokratiye kürishining dunya jama'iti teripidin qanuniy rewishte tonulghanliqining bir namayendisi. Shundaqla, Uyghur milliy herikitining xitaylar teripligendek qandaqtur térror we bashqa zorawanliq bilen alaqisi bolmighan heqliq bir heriket bolghanliqining roshen delili. Uyghurlarning erkinlik we azadliq iradisining xelq`araning étirap qilishigha érishkenlikining yarqin bir ipadisi!" dep yézilghan.

Mezkur ochuq xette, rabiye qadir xanimning nobil tinchliq mukapatigha érishishining, sherqiy türkistan milliy mujadilisining xelq`ara siyasetning kün tertibige élinishidin dérek béridighanliqini, sherqiy türkistan xelqining ezeldin we ebedil armani bolghan hörlük iradisining qanunlashqanliqidin we uning emelge éshish basquchigha qedem qoyghanliqidin dérek béridighanliqini, sherqiy türkistan dewasining xelq`ara bir dewagha aylan'ghanliqidin dérek béridighanliqi, shundaqla, rabiye xanimning maddi we meniwiy pidakarliqlargha kökrek kérip, sherqiy türkistan dewasini dunya jama'etchilikige tonushturush üchün élip bériwatqan pa'aliyetlerining téximu yuqiri pellilerge kötürülüwatqanlini ispatlaydighanliqi eskertilgen.

Bu ochuq xetning dawamida yene "bugün birleshken milletler teshkilatigha 200ge yéqin dölet eza. Bu döletlerning qarmighida 6500 millet yashaydu. Uyghurlargha oxshashla, bu milletlermu öz teqdirini özi belgilesh hoquqini qolgha keltürüsh üchün mujadile qiliwatidu. Bu 6500 millet wekilliri ichide rabiye xanimning 2006 - yilliq nobel tinchliq mukapatigha namzat körsitilishining özi, zor bir muweppeqiyet bolup hésablinidu." Déyilgen.

D u q re'isi erkin aliptékin ependi, bu ochuq xétide mundaq dégen: "rabiye xanimning 2006 - yilliq nobel tinchliq mukapatigha namzat körsitilishi, sherqiy türkistan xelqige qarshi gheyri insaniy siyaset yürgüzüwatqan, eziz millitimizni dunya jama'etchilikige "terrorist" dep tonushturushqa térishiwatqan we rabiye xanimning ana wetendiki bala-chaqa hem urugh - tughqanlirigha her türlük zulumni rawa köriwatqan xitay hökümdarlirining yüzige urulghan bir shapilaq bolup hésablinidu". (Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet