D u q türlük pa'aliyetler bilen rabiye qadir xanimni righbetlendürmekte


2006-10-13
Share

Ataqliq insan heqliri pa'aliyetchisi, Uyghur milliy herikitining rehbiri rabiye qadir xanimning 2006 – yilliq nobil tinchliq mukapati namzatliqigha körsitilishi munasiwiti bilen d u q 10 - ayning 12 – küni chaqiriq élan qilip, rabiye qadir xanimni "Uyghur mukapati" bilen mukapatlaydighanliqini ashkarilighan idi.

Nobil ténichliq mukapati élan qilinishtin bir kün ilgiri ashkarilan'ghan bu chaqiriqta "rabiye qadir xanim bu yil meyli bu mukapatqa érishsun yaki erishmisun, uning 2006 – yilliq nobil tinchliq mukapati namzatliri ichidiki üch muhim shexsning birige aylan'ghanliqi, bu mukapatqa haman mutleq rewishte érishidighanliqining bishariti we bu sahede ghelibe qilghanliqining delili bolup hésaplinidu" déyilgen we barliq Uyghurlarni "Uyghur mukapati" kampaniyisige bir ülüsh hesse qoshushqa chaqirghan idi.

Bügün 10 – ayning 13 – küni, nobil ténichliq mukapatining netijisi élan qilin'ghandin kéyin, d u q re'isi erkin aliptékin ependi rabiye qadir xanimgha qarita yene bir het élan qilip, rabiye qadir xanimgha bolghan teselli we ümidlirini otturigha qoydi.

Erkin aliptékin ependining 13 – öktebir küni élan qilghan xétide "möhterem rabiye qadir xanimning erkin dunyagha qedem basqinigha ikki yil bolmayla, Uyghur milliy mujadilisini xelq'ara jem'iyet teripidin qanunlashturup we Uyghur mesilisini dunya siyasiy sehnisige kötürüp chiqip, 190 din artuq nobil tinchliq mukapati namzatliri arisidiki aldinqi üch kishining biri bolushtek zor ghelibini qolgha keltürgenliki, nobil mukapatining haman rabiye qadir xanimgha mensupliqini ispatlaydu" déyilgen, shundaqla "möhterem rabiye qadir xanim bu mukapatqa na'il bolghan bolsa, béshimiz kökke yetken bolar idi. Uning bu yilliq nobil tinchliq mukapatidin mehrum qélishi elwette, bu mukapatqa érishelmeydighanliqining ipadisi emes, belki aldimizdiki yilliri mutleq rewishte bu mukapatning sahibi bolidighanliqining éniq bir delilidur!" dep yézilghan.

Bu heqtiki melumatlarni, gérmaniyidiki ixtiyari muxbirimiz ekremdin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet