Dunya Uyghur qurultéyi hey'iti türkiye bash ministiri rejep tayip erdoghan bilen körüshti


2008-01-08
Share

Dunya Uyghur qurultéyi mu'awin bashliqi séyit tümtürk ependi, teptish hey'iti ezasi xeyrullah efendigil ependi, d u q yashlar komitéti türkiye wekili abdullah tursun, sherqiy türkistan ma'arip we hemkarliq jem'iyiti qurghuchi ezaliri mes'uli ablikim hajim qatarliq kishilerdin terkip tapqan hey'et bügün türkiye parlaménti binasida türkiye bash ministiri rejep tayip erdoghan, sabiq parlamént bashliqi, parlamént ezasi bulent arinch, büyük birlik partiyisi bashliqi muhsin yaziji'oghli qatarliq kishiler bilen körüshüp Uyghurlarning bügünki weziyiti we türkiye jumhuriyitige bolghan teleplirini anglatti.

Ikki kündin béri türkiye parlaméntida pa'aliyet élip bériwatqan dunya Uyghur qurultéyi hey'itidiki kishiler bu qétimqi uchrishishlarning nahayiti netijilik ötkenlikini, 2008- yili dunya Uyghur qurultéyi élip barmaqchi bolghan pa'aliyetler üchün nahayiti yaxshi bir bashlan'ghuch bolghanliqini éytishti.

Ablikim haji radi'omizgha qilghan sözide, bu uchrishishlardin Uyghurlarning dunyada yalghuz emeslikini, bu heqliq dawaning choqum ghelibe qilidighanliqigha ishenchisining téximu kücheygenlikini éytti. Biz türkiye parlaméntida pa'aliyet élip bériwatqan dunya Uyghur qurultéyi hey'et ezaliri bilen söhbet élip bérip, ularning bu qétimqi ziyaretke bolghan köz qarashlirini élishqa tirishtuq. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet