D u q ning qurulghandin buyanqi xizmetlirige oxshash bolmighan bahalar

• Ixtiyari muxbirimiz erkin tarimning bu heqtiki toluq melumati
• Download story audio

2 - Nöwetlik dunya Uyghur qurultiyi gérmaniyining myunxén shehiride muweppeqiyetlik halda axirlashqan idi. Hemmimizge melum bolghandek, 2004 - yili 4 - ayning 16 - künidin 19 - künlirigiche gérmaniyining myunxén shehiride chaqirilghan qurultayda, sherqiy türkistan milli qurultiyi bilen dunya Uyghur yashliri qurultiyi birleshkenlikini élan qilip netijide sherqiy türkistan milli herikitining eng yüksek orgini bolghan dunya Uyghur qurultiyining qurulghanliqi tentene bilen jakarlan'ghan idi. Mana bu aridin ötken ikki yérim yilliq bu jeryanda ishlen'gen xizmetlerdin bu qétimqi qurultayda doklati bérip ötüldi.

Xizmet doklatida, dunya Uyghur qurultiyi qurulghandin kéyin sherqiy türkistan milli herikitide yillardin beri éhtiyaj tuyulup kelgen siyasi we teshkili jehettin bir merkezlik sistémisini shekillendürüp, milli herikette teshkili jehettin mustehkemlesh yolida köp musapirlarning bésilghanliqi tekitlendi. Hazirghiche mewjut bolup kelgen teshkilatlardiki tarqaqliq ehwallirigha xatime bérilip pa'aliyetlerde birdeklikning ishqa ashurulghanliqi, yeni sherqiy türkistan milli herikitige bir merkezdin rehberlik qilidighan teshkili qurulmining asasi jehettin shekillen'genliki tekitlendi.

Doklatta yene bu qurulmini téximu mustehkemlesh we küchlendürüshning qurultaygha bundin kéyin yüklen'gen mejburiyet ikenliki tekitlendi. Dunya Uyghur qurultiyining xizmet doklatini dunya Uyghur qurultiyi bash katipi dolqun eysa oqup ötti. Doklat töwendiki bölümlerdin terkip tapqan.

1. Teshkili qurulmini küchlendürüsh we ichki xizmetler sahesi 2. Siyasi we ijtima'iy pa'aliyetler saheside 3. Xelq'araliq yighinlar we xelq'araliq teshkilatlar bilen bolghan munasiwetler 4. Xelq'ara metbu'at bilen bolghan munasiwetler 5. Teshwiqat xizmetliri saheside 6. Démokratik döletlerning hökümet we parlaméntliri bolghan munasiwetler 7. Muhajirlar xizmiti saheside 8. Medeniyet ma'arip saheside 9. Dunya Uyghur qurultiyida élip barghan pa'aliyetliri

Bu doklat dunya Uyghur qurultiyining herqaysi döletlerdin kelgen wekillirini nahayiti memnun qildi. Bezi wekiller dunya Uyghur qurultiyining bu iki yilliq xizmitining yéterlik ikenlikini bayan qilsa, yene bezi wekiller bu xizmetlerning yéterlik emeslikini, téximu kop xizmetlerning ishlinishi kéreklikini déyishti. Biz dunya Uyghur qurultiyining xizmetliri heqqidiki köz qarashlirini élish üchün dunyaning herqaysi jayliridin kelgen wekiller bilen söhbet élip barduq.