D u q re'isi erkin aliptékin pan yawropa birlikining yighinigha qatnashti


2006-03-29
Share

Pan yawropa herikiti yawropa bilikige eza döletlerning parlamént ezaliri, siyasiy mutexessisler we ziyaliylardin teshkil tapqan bir teshkilat bolup, d u q ning re'isi erkin aliptékin uzun yillardin béri pan yawropa herikitining ezasi bolush bilen birge, bu teshkilatning az sanliq milletler mesilisi boyiche alahide meslihetchisi bolushtek wezipini öz üstige alghan.

Rusiye fédératsiyisi we rusiye fédératsiyisi ichidiki az sanliq milletlerning weziyiti asasliq téma qilin'ghan yighin'gha, yawropa parlaméntining we yawropa ittipaqigha eza döletlerning parlamént ezaliri , éstoniye parlaméntining sabiq re'isi, gérmaniye hör démokratik birlik partiyisining ezasi, xristi'an démokrat birlik partiyisining ezasi we yéshillar partiyisining ezaliri qatnashqan.

Erkin aliptékin ependi yighin jeryanida köpligen parlamént ezaliri , siyasiy erbablar we ziyaliylar bilen yüz körüshüp, ulargha d u q ning bash katipliqi hazirlap bergen én'gliz, némis tilidiki Uyghurlar heqqidiki matériyal we kitablarni teqdim qilghan.

Erkin aliptékin, yighinda yawropa parlaméntining hazirghiche xitayning sherqiy türkistandiki kishilik hoquq siyasitini eyiblep 2 qétim qarar chiqarghanliqini eskertip ötüp, yawropa parlaménti we yawropa milliy parlaméntilirining sherqiy türkistandiki insan heqliri weziyitige köngül bölüshini we bu heqte qarar chiqirishini iltimas qilghan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet