Amérika xitaydiki eqliy mülük hoquqi mesilisi heqqide mexsus doklat élan qildi


2006-05-04
Share

Amérika soda wekilliri ishxanisi élan qilghan 2006 - yilliq doklatta körsitilishiche, xitay, dunya boyiche eqliy mülük hoquqi eng zor depsende qiliniwatqan dölet bolup hésablinidiken. Mezkur doklatta yene "xitay, amérikining neshr hoquqigha ige bolghan eqliy mülükke a'it matériyal, keshpiyat, marka, tijaret mexpiyetliki qatarliq jehetlerdiki eqliy mülük hoquqini qoghdimighan hemde oghriliqche neshr qilidighan, saxta mal yasaydighan heriketlerge ünümlük zerbe bermigen" dep xitay hökümitini qattiq tenqidligen.

Amérika soda wekilliri ishxanisining melum qilishiche, amérika pat arida xitaydiki eqliy mülük hoquq mesilisi heqqide birleshken döletler teshkilatigha erz sunushni oylashmaqta iken. Lékin bir qisim soda mutexessisliri " bu xil usul arqiliq xitaydiki eqliy mülük hoquq mesilisini bir terep qilish anche asan'gha toxtimaydu" dep körsetmekte.

Yéqinda xitay dölet re'isi xu jintaw amérikini ziyaret qilish jeryanida, xitaydiki eqliy mülük hoquqi mesilisining heqiqeten nahayiti éghir ikenlikini étirap qilghan hemde bu heqte choqum yéterlik chare -tedbirlerni qollinishqa wede bergen. Lékin köpligen analizchi we ziyaliylar " gerche xitay hökümiti eqliy mülük hoquqini qoghdash mesilisi heqqide xelq'arada köp qétim wede bérip, nurghun kélishimilerge qol qoyghan bolsimu, mezkur mesile héchqachan heqiqiy bir terep qilinmidi, shunga hazir peqet amérikila emes, belki pütün dunya jama'iti birlikke kélip xitay hökümitige bu heqte yéterlik qattiq bésim qilishi kérek " dep körsetmekte.

Bu munasiwet bilen, amérikida turushluq Uyghur ziyaliysi sidiq haji rozi ependi ziyaritimizni qobul qilip, qarashlirini otturigha qoydi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet