Erdoghan 5 - iyul ürümchi weqesini b d t ning küntertipige élip chiqarmu?

Türkiye bash ministiri rejep tayyip erdoghan birleshken döletler teshkilatining 64 - nöwetlik omumiy yighinigha qatnishish üchün 21 séntebir küni néw yorkqa yétip keldi.
Muxbirimiz erkin tarim
2009-09-22
Share
Erdogan-turkiye-urumqi-weqesi-305 7 - Ayning 8 - küni, türkiye bash ministiri rejep tayyip erdoghan ürümchidiki qirghinchiliqni "bu wehshilik" dep éyibligen idi. Süret, erdoghanning bügünki türk metbuatlirigha qilghan bayanatida, d u q reisi rabiye qadir xanimning türkiyige kélishi üchün wiza béridighanliqini éytiwatqan körünüsh.
http://yenisafak.com.tr Din élindi.

Türkiye bash ministiri méngishtin burun enqere esenbogha ayropilan istansisida  muxbirlargha bergen bayanatida, birleshken döletler teshkilatining bu qétimqi yighinigha 130 dölet rehbirining qatnishidighanliqini, bu jeryanda özining 20 döletning rehbiri bilen uchrishidighanliqini éytqan idi.

Biz igiligen melumatlargha qarighanda türkiye bash ministiri rejep tayyip erdoghan b d t ning bash sékritari ban ki - mo'on, amérika prézidénti barak hüseyin obama qatarliq kishiler bilen uchrishidiken.

Yene biz igiligen melumatlargha asaslan'ghanda rejep tayyip erdoghan xitay dölet ré'isi xu jintaw bilen körüshmeydiken. B d t da türkiye tashqi ishlar ministiri axmet dawutoghlu, xitay tashqi ishlar ministiri yang jiyéchi bilen uchriship, 5 - iyul ürümchi weqesi heqqide muzakire élip baridiken.

5 - Iyul ürümchi weqesige qattiq naraziliqini bildürgen rejep tayyip erdoghan, 7 - ayning 9 - küni bergen bayanatida, xitay hökümitining ürümchide qilghanlirigha qarap turalmaydighanliqini, bu mesilini xitayning da'imiy eza, türkiyining waqitliq ezasi bolghan birleshken döletler teshkilati xewpsizlik komitétining kün tertipige élip chiqidighanliqini éytqan idi. Undaqta 9 - ayning 23 - küni ötküzilidighan b d t ning 64 - nöwetlik omumiy yighinida türkiye bash ministiri rejep tayyip erdoghan 5 - iyul ürümchi weqesini otturigha qoyarmu?

Bu mesililer heqqide türkiye adnan menderes uniwérsitéti oqutquchisi dr. Selchuq cholaqoghlu bilen xajettepe uniwérsitéti oqutquchisi dr. Erkin ekrem ependi öz köz qarashlirini otturigha qoydi.  

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet