Naxsha cholpini erkin abdulla yéngi albumi heqqide chiqqan talash-tartishlar munasiwiti bilen ziyaritimizni qobul qildi


2006.04.28
erkin-abdulla.jpg
Naxsha cholpini erkin abdullaning yéqinda bazargha sélinish aldida turghan "döngköwrük heqqide parang" namliq yéngi pilastinkisining réklami. Image courtesy: http://arkenmusic.com Naxsha: Döngköwrüktiki Paranglar

Yash muzikant, naxshichi erkin abdullaning bir qanche yillardin béri Uyghur xelqige yawropa uslubidiki muzikilar bilen Uyghur muzika uslubini zich birleshtürüp yéngiche uslubta ishligen ijadiy eserlirini sogha qilip kelmekte. Uning ajayip maharet bilen gitar arqiliq orunlighan muzikiliri alahide yuqiri awazliq naxshiliri nahayiti qishqa waqitta Uyghuryashliri teripidin qobul qilinip, Uyghur sen'et asminidiki yéngi cholpan'gha aylan'ghan.

Yéqinda erkin abdulla bir qanche Uyghur tor betlirige erkin palwan namliq yéngi naxshisini sinaq teriqiside qoyghan. Emma ötken bir hepte izdinish, shebnem qatarliq Uyghurche tor betlerde, erkin abdullaning neshir qilmaqchi bolghan "döngköwrük heqqide parang" namliq yéngi pilastinkisidiki "erkin palwan "naxshisi heqqide alahide zor bes munaziriler bolghan.

Erkin abdulla tor betlerdiki munazire meydanlirida pikir qatnashturghuchilarning "erkin palwan" dégen naxshisida sadir palwan qoshiqini özgertip éytqanliqi xelq miraslirigha hörmet qilmighanliq, xelq palwanlirigha hörmet qilmighanliq, xelqning medeniy miraslirigha xalighanche qopalliq bilen chaq chaq qilghanliq, sadir palwan hem uning qoshaqlirigha dagh keltürgenlik" dégendek qattiq tenqidlerge uchrighan. Hemde uning mezkur naxshini yéngi pilastinkidin chiqiriwétish heqqide pikirler bolghan.

Erkin abdulla tordashlar hemde anglighuchilarning élip barghan qopal yaki ilmiy yosundiki talash tartishliri hem pikirlirini soghaqqanliq bilen qobul qilip torda ochuq xet yézip izah bergen rohiy hemde iqtisadi jehettiki ziyanlirini qayrip qoyup bazargha sélinish aldida turghan yéshi pilastinkining hemmini bikar qilip, munazire qozghighan erkin palwan naxshisini chiqiriwétip, pilastinkini qayta ishleydighanliqini élan qilghan. Biz erkin abdulla pilastinkisini tarqitishqa mes'ul shirketning bir mes'ulini bu heqte ziyaret qilduq.

"Erkin palwan" ghewghasining seweb netijiliri heqqide biz yene erkin ependi bilen söhbet ötküzüsh pursitige ige bolduq. Kichik pé'illik bilen ziyaritimizni qobul qilghan erkin abdulla bu ishta peqet millet aldidiki mejburyitini ada qilghanliqini, bu ishtin kéyin özining kespi jehettiki sewiyisinila östürüp qalmay, xelq sen'etkari bolush süpiti bilen unwérsal bilimlerge ige bolushning muhimliqini tonup yetkenlikini bildürdi.

Bu ishtin kéyin nöwette tor betlerde "erkin palwan" naxshisi tüpeyli peyda bolghan talash tartishlar bésiqip, uning ornigha bu yash sen'etkarning sen'et hayatidiki bir muhim tallashqa yoluqqanda toghra yol tutqanliqi medhiyilen'gen. Gerche bu qétim uninggha nechche tümenlep ziyan bolghan bolsimu, emma erkin abdulla mushu pul bilen sétiwalghili bolmaydighan abroyni, xelqning mayilliqini qolgha keltürdi. Erkinning ijadiyet yolining yenimu rawan bolishigha tilekdashliq bildürimiz " dégendek medhiyilermu otturgha chiqmaqta. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.