Tyen'enméndiki erziyetchilerning yéqinqi ehwali


2005.04.28

"Ulugh ira géziti" ning xewer qilishiche, 4 - ayning 27 - küni etigen sa'et 9 etrapida, memliketning her qaysi jayliridin béyjingge erz qilghili kelgen derdmen xelqtin 400 din artuq adem oxshimighan yönilishtin béyjingning chang'en kochisigha kélip toplan'ghan.

Erziyet qilghuchilar qolgha élin'ghan

Neq meydandin tartilghan foto söretlerdin melum bolushiche, ayallar üstige "kishilik huquqimizni qayturup bersun" dégen xetler yézilghan peshtama kéygen. Erler herxil belgilerni taqighan. Ular sep tüzgende qolidiki belgiler pilakat bolup körinidu. Ular tyen'enmén meydanida namayish qilmaqchi bolghan. Bu namayishchilar sherqiy chang'en kochisigha kelgende kommunist saqchiliri teripidin tosup qorshiwélin'ghan. Saqchilar yollarni tosup, namayishchilargha hujum qilghan, 300 din artuq ademni tutqun qilip aptomobillargha sélip élip ketken.

Xewerde bayan qilinishiche, 4 - ayning 20 künidimu, kishiler "memliketlik erziyet ida'irsi" dégen organ'gha barghanda, ghezepge chidimay "xelqning erzini anglash-kütiwélish ishxanisi" dep xet yézilghan wiwiskini tartip chüshüriwetken kishilerni saqchilar urghan. "Bu wéwiska xelqqe qilin'ghan aldamchiliq" dégen kishilernimu urghan iken.

4 - Ayning 27 - küni tyen'enmén meydanida namayish qilmaqchi bolghan erziyetchilerning özliri téléfon qilip radi'omizning muxbiri lindigha sözlep bérishiche, béyjingdiki erziyetchiler dunyaning ularning hazirqi müshkül ehwaligha köngül bölishini ümid qilmaqta.

"Yighiwélish orni"

Tyenjindin béyjingge kelgen bir er kishining muxbirimizni téléfon arqiliq chaqirip sözlep bérishiche, u xiyanechlikke qarshi turush üchün yuqurigha erz qiliwatqili 3 yil bolghan. U özining turmushshini qamdayghan menbe'edin ayrilip qalghan. Uning baha bérishiche, hökümetning bezi rehberliri banditning özi. U bu qétim yene erz éytqili béyjingge kelgende, saqchilar tutiwélip mushu "yighiwélish orni" gha ekilip qoyghan. Bu kishini fuyujé kochisidin tutup kelgen. Saqchilar bu jayda xalighan waqitta "tazilash" élip baridu. Ularning perez qilishiche, bu qétim hökümet "1 - may küni"din éhtiyat qilghan. Teywendiki gomindangning re'isi lyenjenning kelgenlikimu sezgür mesile bolsa kérek. Hazir "majalu erziyet mehellisi" dep atilidighan orunni kishiler "yighiwlish orni", "tutup kétish orni" yaki "öz yurtidiki saqchilargha tutup bérish orni" dep ataydu. Bu jayda 1000 din artuq adem bar. Bu kishilerning hemmisini saqchilar tutup mushu jaygha ekilip qoygha kishiler. Bu jayda adem yatidighan chong yataqlar bar. Emma bügün yataq yétishmigenliktin kishilerning tolisi hoylida olturushqan.

Muxbirimiz téléfon arqilq ziyaret qilghan waqit kéche sa'et 3 etrapida bolsimu, kishiler téxiche uxlimighan. Salametliki yaxshi emesler özige bir jay tépip yatqan. Emma tolisi öz- ara dert tökiship olturghan. Beziler özliri yézip ahanggha salghan "xiyanetchilikke qarshi turush" naxshisini éytiwatqan.

Xelqning zari

Bu naxshida hey xiyanetchi emeldarlar, senler xelqni zar-zar qaqshatting, dertmenler ayighi üzülmey tyen'enmén'ge kelmekte. Hey xiyanetchiler, senler xelqni xaniweyran qilding, ghezinini senler qurutting, erlerni qarangghu jemiyetke, ayallarni sersanliqqa bashliding. Hey xiyanetchi, senler xelqqe apet yaghdurding... Déyilgen.

Naxsha éytqan ayalning éytishiche, u xilongjangdin, özi shexsi tijaretchi, yerlik hökümet uni mülükke igidarchiliq hoquqidin mehrum qaldurghan. Uning erzini sorimighan. Saqchilar bögün bu ayalni partiye merkiziy komi'étét intizam tekshürüsh idarisining aldidin tutup mushu jaygha ekelgen. Bu jaygha ekilip qoyghan kishilerni, saqchilar bu jaydin xalisa emgek bilen özgertish ornigha ewetidu, xalisa biwaste qolgha élip kétidu, xalisa urup zerbe béridu.

Bu kishining éytishiche, ular "kommunist partiyini yoqitimiz" dégen gepnimu téxi qilmighan, ular "xiyanetchilerni jazalayli" désimu, hökümet ularni chekligen.

Muxbirimiz erziyetchiler bilen sözlishiwatqanda alliqachan sa'et 4 bolup, tang étishqa az qalghan waqit bolsimu, erziyetchiler téxi hemmsi uxlimighan.

Bu kishining éytishiche, dertmenler téxiche uxlimay öz ara dert töküshmekte. Emiliyette, yatidighan jay yoq, mushu soghuq künde hoylida orunduqlarda olturushqan. Beziler daq yerdila olturghan.

Bu kishining éytishiche, u hazir héchnimidin qorqmaydu, endishisimu yoq, beribiz jan'gha toyghan. Ularning éytishiche, hazir sirtta bir nechche on aptomobil turidu, u saqchi, topilangni basturush etriti dégen hökümetning qoralliq xademlirining adem tutush jabduqliri.

Birkishi muxbirimizgha mining awazimni bériwiring, mende tartishidighan nerse yoq, lindi sizge rexmet, dégen. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.