Уйғур әрздар нурунгүл похурлуқ қилған хитайниң әдипини бәрди

Нурунгүл ханим похурлуқ қилған хитайни өз гунаһи үчүн кәчүрүм сорашқа мәҗбурлап вә бейҗиң сақчилиридин бу хитайни җазалашни тәләп қилип, өз ғурурини қоғдаш йолида җасаритини көрсәтти.
Мухбиримиз меһрибан
2012-05-18
Елхәт
Пикир
Share
Принт
Уйғур әрздар нурунгүл тохти балиси билән. 2012-Йили май, бейҗиң.
Уйғур әрздар нурунгүл тохти балиси билән. 2012-Йили май, бейҗиң.
RFA/Shohret Hoshur

Болупму бейҗиңға кәлгән аял әрздарлар юқириқи тәһдитләргә тақабил туруштин башқа, өз ар-номуси һәм ғурурини қоғдашта техиму зор ғәйрәт һәм қәһриманлиқини намаян қилмақта. Бейҗиңдики әрздар нурунгүл ханимниң похурлуқ қилған хитайни өз гунаһи үчүн кәчүрүм сорашқа мәҗбурлап, бейҗиң сақчилиридин бу хитайни җазалашни тәләп қилиш йолида көрсәткән җасарити бейҗиңдики әрздарлар арисида «өз ғурурини қоғдаш йолидики қәһриманлиқ» дәп тәрипләнмәктә.

Бирнәччә күндин буян, бейҗиңдики уйғур әрздарлар арисида нурунгүлниң өз ғурурини қоғдаш йолида, похурлуқ қилған хитайниң әдипини бәргәнлики һәққидики һекайә тарқалған. Радиомиз бу учурни алғандин кейин вәқәниң тәпсилатини билиш үчүн, нурунгүл ханимға телефон қилдуқ.

Шу күни йүз бәргән вәқәни баян қилған нурунгүл ханим, бейҗиңда әрз қиливатқан нурғунлиған уйғур әрздарларниң сақчиларниң қоғлап тутушидин сақлиниш һәм бейҗиңдики меһманханиларда уйғурларниң ятақ елиши қийин болған шараитта, бир кечилики 10 йүән әтрапидики нәччә он адәм бир өйдә қисилип ятидиған әрзан баһалиқ аиливи меһманханиларда йетишқа мәҗбур икәнликини билдүрүп, бундақ меһманханиларда йетишта әрләргә қариғанда аялларниң техиму җасарәтлик болуши керәкликини тәкитлиди.

Нурунгүл ханимниң билдүрүшичә, униңға похурлуқ қилған хитай дәсләп өз қилмиши үчүн кәчүрүм сорашни халимиған. Әмма, нурунгүлниң көктат ақлайдиған пичақни униң гелигә тәңләп, уни өз қилмиши үчүн кәчүрүм сорашқа мәҗбурлиши нәтиҗисидә бу хитай һәм униң акиси нурунгүлниң алдида тиз чөкүп гунаһини тилигән. Бир ятақтики башқа хитай әрздарлар аввал бу ака-ука хитайларға болушуп, нурунгүлниң сақчи чақириш тәлипини рәт қилған болсиму, әмма кейин нурунгүлниң қәтийликини көргәндин кейин, бу хитайни әйибләп, вәқәни бесиқтурушқа тиришқан. Улар йәнә вәқәни бир тәрәп қилиш үчүн йетип кәлгән сақчиларға телефон арқилиқ ятақниң тоғра адресини ейтип беришкә мәҗбур болған.

Нуруңул ханим йәнә өзиниң хитай өлкилиридә нәччә он йил тирикчилик қилиш җәрянидики кәчмишлирини баян қилип, бир аял һәм йенида балисини әгәштүрүп яшашқа мәҗбури болған ана болуш сүпити билән, өзини қоғдаш үчүн һәр вақит йенидин пичақ яки бәкә қатарлиқларни айримайдиғанлиқини билдүрди.

Нурунгүл ханимниң баян қилишичә, вәқә йүз бәргән кечиси, нурунгүлгә қошна болған ятақта ятқан икки нәпәр уйғур йигитиму кечидики вараң-чуруңни аңлиғандин кейин, нурунгүл бар ятаққа кирип униңға мәдәткар болған.

Бу икки йигитиниң бир өзини ақсуниң куча наһийисидин дәп тонуштурди. Бу уйғур зияритимизни қобул қилип, бейҗиңдики уйғур әрздарлири арисида нурунгүлниң уни бозәк қилмақчи болған хитайниң әдипини бәргәнлики һәққидики хәвәр тарқалғандин кейин, уйғурларниң нурунгүлниң җасаритигә апирин оқуғанлиқини билдүрди.

Нурунгүл ханимниң өзигә похурлуқ қилған хитайни әдәплиши, нурғунлиған уйғурларни ғурурландурған. Вәқә йүз бәргәндин буян, сақчиханида нурунгүлгә һәмраһ болуп, униңға қериндашлиқ меһрини йәткүзгән кучалиқ уйғур йигити нурунгүл ханимға болған һөрмити һәм қайиллиқини билдүрүш билән биллә, һәр бир уйғур әркәкниң уйғур болуш болуш сүпити билән өз һәмшириси һәм милләтниң анилири болған уйғур аяллирини қоғдаш мәҗбурийити барлиқини тәкитлиди.

Пикирләр (0)
Share
Толуқ бәт