Шветсийидә йүз бәргән дөләт атлиған адәм әткәсчилики


2007.07.10

явропада чиқидиған 'ғәрб шамили журнили'ниң тәһрири абдурешит һаҗи кериминиң баян қилишичә, йеқинда шветсийиниң учур вастилирида, хитайниң адәм әткәсчилики тоғрисида йеңи учур вә мулаһизиләр оттуриға қоюлмақта. Униңда баян қилинишичә, йеқинда хитай тәвәликидин 23 нәпәр яш өсмүр шивитсийигә келип сиясий панаһлиқ тиләп, узун өтмәйла из-дерәксиз йоқап кәткән.

Абдурешит һаҗи керими бу вәқәниң тәпсилатини баян қилишичә, бу 23 нәпәр яш өсмүр хитайдин стоклим шәһиригә кәлгәндә, уларниң һәммиси өзиниң кимликини көрсәтмигән. Уларниң һәммисиниң йенида 1000 юро нәқ пул бар, чамданлири охшаш, янфонлириму охшаш икән. Бундақ вәқә шветсийидә буниңдин бурунму йүз бәргән икән.

Абдурешит һаҗи керими шветсйә җәмийитидә бу вәқәгә қарита пәйда болған инкасларни баян қилди. Шветсийә җәмийитидә пәйда болған инкасларға қариғанда, бир қисм шветсийиликләр буни хитай адәм әткәсчилириниң паалийити һазир шветсийигиму кәлди, улар шветсийиниң кишилик һоқуққа һөрмәт қилидиған қанун -низамлиридин пайдилиниватиду, дәп қариған.

Абдурешит һаҗи керими баян қилишичә, шветсийиликләр һазир хитайда 'ишқа орунлаштуруш' дегән нам астида йүз бериватқан уйғурларға қаритилған адәм әткәсчилики мәсилисиниму билидикән. Шветсийидики уйғурлар болса, бу вәқә тоғрисида техиму илгириләп суал қоюп тәһлил қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.