Shwétsiyide yüz bergen dölet atlighan adem etkeschiliki


2007.07.10

Yawropada chiqidighan 'gherb shamili zhurnili'ning tehriri abduréshit haji kérimining bayan qilishiche, yéqinda shwétsiyining uchur wastilirida, xitayning adem etkeschiliki toghrisida yéngi uchur we mulahiziler otturigha qoyulmaqta. Uningda bayan qilinishiche, yéqinda xitay tewelikidin 23 neper yash ösmür shiwitsiyige kélip siyasiy panahliq tilep, uzun ötmeyla iz-déreksiz yoqap ketken.

Abduréshit haji kérimi bu weqening tepsilatini bayan qilishiche, bu 23 neper yash ösmür xitaydin stoklim shehirige kelgende, ularning hemmisi özining kimlikini körsetmigen. Ularning hemmisining yénida 1000 yuro neq pul bar, chamdanliri oxshash, yanfonlirimu oxshash iken. Bundaq weqe shwétsiyide buningdin burunmu yüz bergen iken.

Abduréshit haji kérimi shwétsye jem'iyitide bu weqege qarita peyda bolghan inkaslarni bayan qildi. Shwétsiye jem'iyitide peyda bolghan inkaslargha qarighanda, bir qism shwétsiyilikler buni xitay adem etkeschilirining pa'aliyiti hazir shwétsiyigimu keldi, ular shwétsiyining kishilik hoquqqa hörmet qilidighan qanun -nizamliridin paydiliniwatidu, dep qarighan.

Abduréshit haji kérimi bayan qilishiche, shwétsiyilikler hazir xitayda 'ishqa orunlashturush' dégen nam astida yüz bériwatqan Uyghurlargha qaritilghan adem etkeschiliki mesilisinimu bilidiken. Shwétsiyidiki Uyghurlar bolsa, bu weqe toghrisida téximu ilgirilep su'al qoyup tehlil qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.