Явропа бихәтәрлик һәмкарлиқ тәшкилати уюштурған йиғинда уйғур мәсилиси оттуриға қоюлди(3)

• Ихтияри мухбиримиз турсун исламниң бу һәқтики мәлумати
• Download story audio

Полшаниң пайтәхти варшава шәһиридә 4-9-өктәбир күнлири явропа бихәтәрлик вә һәмкарлиқ тәшкилатиниң инсан һәқлири мәсилиси бойичә муһакимә йиғини ечилди. 55 Дөләтниң вәкиллири иштирак қилған мәзкур йиғинда оттура асия җумһурийәтлири җүмлидин қирғизистан вә уйғур елидики уйғурларниң инсан һәқлири мәсилисиму тилға елинған.

явропа бихәтәрлики вә һәмкарлиқи тәшкилати оттура асиядики инсан һоқуқи , демократик тәрәққият мәсилилиригә йеқиндин көңүл болуватқан хәлқаралиқ орган болуп, уйғур мәсилиси җүмлидин уйғурларниң инсан һәқлириниң дәпсәндә қилиниш мәсилиси мәзкур органниң диққәт етибаридин орун алмақта.

Өзбекистан кишилик һоқуқни қоғдаш җәмийитиниң рәиси талип яқупов полшаниң пайтәхти варшавда өткүзүлгән бу йиғинда һүсәнҗан җелилниң хитайға өткүзүп бәргәнлики мәсилисини оттуриға қоюп, өзбекистан даирилирини тәнқит қилди. У һүсәнҗан җелилниң хитайға өткүзүп берилгәнлики чоң сиясий сүйиқәст, деди.

яқуповниң көрситишичә, өзбекистан қануни җавабкар қәйәрдә җинайәт садир қилса шу йәрдә сотлиниду, дәй очуқ ейтилған болсиму лекин керимов һөкүмити буниңға әмәл қилмиған.

Бу һәқтә қирғизистандики ихтияри мухбиримиз турсун исламдин аңлаң.