Yawropa bixeterlik hemkarliq teshkilati uyushturghan yighinda Uyghur mesilisi otturigha qoyuldi(3)

• Ixtiyari muxbirimiz tursun islamning bu heqtiki melumati
• Download story audio

Polshaning paytexti warshawa shehiride 4-9-öktebir künliri yawropa bixeterlik we hemkarliq teshkilatining insan heqliri mesilisi boyiche muhakime yighini échildi. 55 Döletning wekilliri ishtirak qilghan mezkur yighinda ottura asiya jumhuriyetliri jümlidin qirghizistan we Uyghur élidiki Uyghurlarning insan heqliri mesilisimu tilgha élin'ghan.

Yawropa bixeterliki we hemkarliqi teshkilati ottura asiyadiki insan hoquqi , démokratik tereqqiyat mesililirige yéqindin köngül boluwatqan xelq'araliq organ bolup, Uyghur mesilisi jümlidin Uyghurlarning insan heqlirining depsende qilinish mesilisi mezkur organning diqqet étibaridin orun almaqta.

Özbékistan kishilik hoquqni qoghdash jem'iyitining re'isi talip yaqupow polshaning paytexti warshawda ötküzülgen bu yighinda hüsenjan jélilning xitaygha ötküzüp bergenliki mesilisini otturigha qoyup, özbékistan da'irilirini tenqit qildi. U hüsenjan jélilning xitaygha ötküzüp bérilgenliki chong siyasiy süyiqest, dédi.

Yaqupowning körsitishiche, özbékistan qanuni jawabkar qeyerde jinayet sadir qilsa shu yerde sotlinidu, dey ochuq éytilghan bolsimu lékin kérimow hökümiti buninggha emel qilmighan.

Bu heqte qirghizistandiki ixtiyari muxbirimiz tursun islamdin anglang.