Gérmaniye we türkiyide eysa yüsüp aliptékin wapatining on yilliqi xatirilendi


2005-12-19
Share
Merhum eysa yüsüp aliptékin (1928-yili tartilghan) (1901-1995)

18-Dékabir küni gérmaniyining myunxén shehiride, dunya Uyghur qurultiyi hemde yawropa sherqiy türkistan birlikining teshkillirishi bilen, merhum eysa yüsüp aliptékinning wapatigha on yil toshqanliqi munasiwiti bilen, uning rohigha atap du'a-talawet we xatirilesh yighini ötküzüldi.

Yighinda erkin aliptékin, türkiye büyük birlik partiyisi re'isi re'isi muhsin yazuchi'oghli shuningdek türk we Uyghur teshkilatlirining mes'ulliri hem Uyghur jama'iti qatnashti.

Türkiyining enqere we istanbul sheherliridimu Uyghur teshkilatlirining uyushturushi bilen pütün hayatini sherqiy türkistan dewasi üchün béghishlighan péshqedem siyasiyon eysa aliptékin ependi wapatining 10 yilliqini xatirilesh pa'aliyiti élip bérildi.

Yighinda enqere hajitöpe unwérsitéti oqutquchisi doktor erkin ekrem, eysa aliptékin wexpi bashliqi arslan aliptékin we türkiye kadirlar uyushmisi bashliqi birjan aqyildiz ependi qatarliqlar merhum eysa yüsüp aliptékinning iz-ishlirini tonushturdi hemde uning hayatigha yuqiri baha berdi.

Eysa yüsüp aliptékin 1901 – yili qeshqer wilayitining yéngisar nahiyiside tughulghan bolup, 1995-yili 12-ayning 17-küni türkiyide alemdin ötken.

Bu heqtiki melumatlarni, gérmaniyidiki ixtiyari muxbirimiz ekrem we türkiyidiki ixtiyari muxbirimiz erkin tarimdin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet