Uyghurlar kanadada ötküzülgen xelq'araliq medeniyet we tamaq féstiwalida oz medeniyitini namayen qildi


2006.05.10

Kanadaning Sherbrooke shehride kanada köchmenler ministirliki we köchmenler idarisining uyushturushi bilen, 35-nowetlik xelq'araliq medeniyet we tamaq féstiwali ötküzüldi. Bu féstiwalgha 36 dölettin kelgen ömekler qatnashti. Uyghurlar "Uyghuristan" dégen isim bilen bu körgezmige qatnishish salahiyitige ériship, özlirining kéyim -kéchek, tamaq medeniyitini namayen qilish we siyasi tarixi hemde Uyghurlarning nöwette duch kéliwatqan kishilik hoquq we siyasi mesililerni tonushturush pursitige ige boldi.

Féstiwalining re'is sehnisige bu pa'aliyetke qatnashqan döletlerning bayraqliri quyulghan bolup, Uyghurlarning ay yultuzluq kök bayriqimu bu bayraqlar ichidin yer aldi.

Körgezme jeryanida Uyghurlar özlirige ayrilghan bölümini ay yultuzluq kök bayraq, 1933 - yili qurulghan sherqi türkistan islam jumhuriyitining dölet gribi, Uyghurlar wetinining siyasi xeritisi we mili chalghu eswaplirigha oxshash Uyghurlarning özige has bolghan siyasi tarix we milli alahidiliklirini eks ettüridighan buyumlar bilen bézeldi.

Sherbrooke Shehiri Quebec shitatigha qarashliq sheher bolup, Quebec shitati fransuz tilida sözlishidighan we fransuz medeniyitini asas qilghan kanadadiki birdin bir rayuni bolup hésablinidu.

Bu heqtiki tepsili melumatlarni, kanadadiki ixtiyari muxbirimiz kamil tursundin anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.