Канадада уйғур мәдәнийәт -сәнити тонуштурулған һөҗҗәтлик филим ишләнди
-
2006-02-13 -
-
-
Your browser doesn’t support HTML5 audio
Канадалиқ реҗиссор абир алсайед ханим тәрипидин ишләнгән, уйғурларниң сәнити, мәдәнийити тонуштурулған, уйғурларниң бугүнки сияси әһвали қистурма қилинған һөҗҗәтлик флим йеқинда канадада җамаәт билән йүз көрүшти.
21 Минутлуқ бу филимдә уйғурларниң музика сәнити билән муқам әнәнисини тонуштуруш арқилиқ, уйғур мәдәнийити билән уйғур тарихиниң өз-ара чәмбәрчас бағлинидиғанлиқи вә уйғурларниң мәдәнийәт әнәнилири әтраплиқ йорутуп берилгән. Филимдә йәнә әнәнә билән заманивилиқму өз-ара зич кириштүрүлгән.
Бу филимниң йоруқлуққа чиқишида канаданиң монтрәал шәһиридә олтурушлуқ уйғур сәнәткар доктор тамара ханим вә униң канада McGill университетниң музикишунаслиқ кәспидә докторлуқта оқуватқан қизи адалят исийәва ханим асаслиқ рол ойниған болуп, улар чәтәллик филим реҗиссорини уйғур мәдәнийити вә сәнити һәққидә мол материял билән тәминләпла қалмастин йәнә, филимдә тонуштурғучилиқ вәзипилириниму үстигә алған.
Тамара ханим москва вә қазақистанларда узун йил уйғур мәдәнийәт-сәнити һәққидә тәтқиқат елип барған сәнәткардур.
Бу филим һәққидә мәлумат елиш үчүн, канададики ихтияри мухбиримиз камил турсун тамара ханим вә униң қизи адалят ханимни зиярәт қилди.