Uyghurlar dölet mejlisi ezasi frank wolf ependining shan - sheripi üchün ötküzülgen murasimda


2006.10.17
frank_wolf-200.jpg
Dölet mejlisi ezasi frank wolf ependi.

16 ‏- Öktebir küni chüshtin kéyin sa'et 5 te, amérikidiki diniy erkinlik merkizi, xelq'ara tibet herikiti, xelq'ara Uyghur kishilik hoquq fondi jem'iyiti qatarliq xelq'araliq kishilik hoquq teshkilatliri birliship amérika dölet mejliside, amérika dölet mejlisi ezasi frankwolf ependining her qaysi döletlerdiki éziliwatqan xelqlerning kishilik hoquqi üchün körsitiwatqan xizmitining shan - sheripi üchün "rexmet éytish" pa'aliyiti ötküzüldi.

Frankwolf ependi kishilik hoquqi depsende qiliniwatqan xelqler, bolupmu Uyghur, tibet, mongghul we xitay xristi'an muritilirining diniy erkinlikini qolgha keltürüsh yolida uzundin béri tirishchanliq körsitiwatqan amérika dölet erbabi hésablinidu.

Frank wolf, yalghuz Uyghurlar tibetler we mongghullar üchünla emes, belki pütün dunyadiki yeni afriqidiki sudan'gha oxshash döletlerdiki xelqlergimu alahide köngül bölmekte. Frankwolf yene ézilgen mezlum xelqlerning teqdirini özgertish üchün ularning awazini amérika xelqige yetküzüsh, amérika siyasitige kirgüzüsh yolida zor tirishchanliq körsetken.

Bu qétimqi "rehmet éytish" pa'aliyitige, amérikidiki barliq kishilik hoquq teshkilatliri, her derijilik hökümet emeldarliri, her qaysi dölet elchixana xadimliri shuningdek Uyghur siyasiy herikitining rehbiri, kishilik hoquq pa'aliyetchisi rabiye qadir xanim we amérika Uyghur birleshmisining bir qisim ezaliri qatnashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.