Frankfort shehiride ötküzülgen "Uyghur medeniyet heptiliki" we Uyghurlar namayishi

• Muxbirimiz jümening bu heqtiki toluq melumati
• Download story audio

Xitay hökümitining teshkillishi bilen yawropagha oyun qoyush üchün kelgen Uyghur sen'etkarlar, aldinqi ayning kéyinki yérimidin buyan yawropadiki herqaysi chong sheherlerde oyun qoyup kéliwatqan idi.

Emma xitay hökümiti mexsus Uyghurlardin teshkillep yawropagha élip kelgen bu oyun qoyush guruppisi, meyli yawropaning qaysi shehirige barmisun, shu jaylardiki Uyghur muhajirlar we Uyghur ammiwi teshkilatlirining teshkillishi arqisida élip bérilghan namayishlargha duch keldi.

Mezkur oyun qoyush ömiki mushu ayning 25-,26-, 27- künliri gérmaniyining paytexti bérlinda 28 -, 29- künliri yawropadiki sana'et we iqtisad merkizi we gérmaniyining dangliq sheherlirining biri bolghan frankfort shehiride oyun körsetti we bashqa pa'aliyetlerde boldi.

Biz igiligen melumatlargha qarighanda, xitay hökümiti teshkilligen oyun qoyush ömiki gérmaniyining frankfort shehirige yétip kelgende, frankfort shehirige jaylashqan sherqiy türkistan birliki namayish teshkillep, Uyghur wetendashlarni bashqiche birxil yosunda qarshi alghan bolsa, xitay hökümitining Uyghur élide élip bériwatqan herxil basturush heriketliri we kishilik hoquq depsendichilikige qarshi öz meydanini ipadiligen.

Frankfortqa jaylashqan sherqiy türkistan birlikining re'isi, yash yazghuchi we tetqiqatchi küresh ata xanning bildürüshiche, frankforttiki Uyghur pa'aliyetchiler, sherqi türkistanning ay yultuzluq kök bayriqini Uyghur élidin kelgen sen'etkarlar chüshken méhman xanining kirish ishikige udul jayigha ésip wetendash sen'etkarlargha aliy éhtiram bildürgen we 29 - chésla kechqurun, Uyghur sen'etkarlar oyun qoyghan tiyatirxana aldida xitay hökümitige qarshi namayish teshkilligen.

Yuqiridiki ulinishtin, muxbirimiz jümening frankforttiki namayishning tepsilati heqqide teyyarlighan melumatini anglaysiler.