Fransiyide Uyghurlar küni ötküzüldi

10 - Ayning 11 - küni gérmaniye bilen fransiyining chégrisigha jaylashqan fransiyining faréberwiller shehride Uyghurlar küni ötküzülgen. Bu pa'aliyet Uyghurlarni fransuzlargha tonushturush üchün uyushturulghan bolup, bu küni bu pa'aliyette sétilghan yémek - ichmek we nerse kéreklerning puli Uyghur teshkilatigha bérilidiken.
Muxbirimiz erkin tarim
2009.10.12
Share on WhatsApp
Share on WhatsApp
Fransiyide-Uyghur-kuni-305.jpg Süret, 10 - ayning 11 - küni gérmaniye bilen fransiyining chégrisigha jaylashqan fransiyining faréberwiller shehride ötküzülgen uyghurlar künidin körünüshler.
RFA Photo / Erkin Tarim

Mezkur pa'aliyetni yawropada pa'aliyet élip bériwatqan "wapa chong chiragh" we "héchkim yoqmu?" dep atalghan türk jem'iyetliri uyushturghan bolup, Uyghurlargha wakaliten fransiye Uyghur jem'iyiti qatnashqan.
 
Bir chong tenterbiye zalida ötküzülgen mezkur pa'aliyette uzun yillardin béri dunyaning herqaysi jaylirida neshir qilin'ghan sherqiy türkistan heqqidiki kitab - zhurnallar, xitaylarning Uyghurlargha élip bériwatqan bésim siyasiti eks ettürülgen foto süretler, Uyghurlarning örp - adetlirige a'it buyumlar qoyulghan.
 
Pa'aliyet intayin yaxshi élip bérilghan bolup, faréberwiller shehrining sheher bashliqi la'urént kleynxentz bu pa'aliyetke qatnashqan we munberge chiqip nutuq sözligen. U, nutqida Uyghur dawasini qollap quwwetleydighanliqini, öz shehrining bundaq bir pa'aliyetke sahibxanliq qilghanliqi üchün intayin xushal bolghanliqini bildürgen.

Yighinni uyushturghuchi teshkilat mesullirining éytishiche, bu fransiyide tunji qétim bir sheher bashliqining qollap - quwwetligen we özi yardem qilghan shuningdek Uyghurlar heqqide söz qilghan bir pa'aliyet hésablinidiken.
 
Bu pa'aliyet heqqide fransiye Uyghur jem'iyiti mes'uli ekber ependi bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.