Fransiyide daghdughuluq namayish pa'aliyiti ötküzüldi

 Bu qétimqi namayishqa fransiye Uyghur komitéti, falun'gungchilar, xitay, wyétnam, birma démokratliri we tibetlerdin teshkil qilin'ghan asiya kishilik hoquqni qoghdash orgini ishtirak qilghan bolup namayishning meqsidi xitaydiki insan heqliri depsendichilikige qarshi turushtin ibaret bolghan.

Bu qétimqi namayishta yuqiriqi mezkur birleshme organning wekilliri nutuq sözlesh qatarliq türlük teshwiqat shekilliri arqiliq xitaydiki insan heqliri tajawuzchlighining tipik misallirini etraptiki namayish körgüchilerge we fransiye hökümitige bildürüp ötkendin bashqa,xitayning nöwette olimpikning bixeterlikini bahane qilip Uyghur we tibetler ichidiki démokratik usulda özlirining heq - hoquq dewasini qiliwatqanlarnila emes belki, bigunah xelqlernimu qattiq basturuwatqanliqini bayan qilip ötti.

Fransiye Uyghur komitéti bu qétimqi namayishning muhim qatnashquchiliridin biri bolup namayish jeryanida ular Uyghurlar we nöwette Uyghurlar duch kéliwatqan türlük bésimlar hem olimpik ötküzüsh salahiyitige ige emes xitay hökümitining öz sayisidin özi hürküp Uyghurlarni basturush üchün yene yéngi bir pursetke érishkenlikini pakitlar arqiliq chüshendürüp ötti.