Fransiyide "5 - féwral ghulja weqesi" ning 11 yilliqini xatirilesh pa'aliyiti ötküzüldi


2008-02-04
Share

1997 - Yili 2 - ayning 5 - küni Uyghur élining ghulja shehiride Uyghurlar xitay hökümitining Uyghurlargha yürgüzüwatqan milliy we diniy zulum siyasitige naraziliq bildürüp, özlirining heq - hoquqlirini telep qilish üchün namayish qilghan we netijide qolida tömürning sunuqimu bolmighan, asasen yashlardin terkip tapqan Uyghur namayishchiliri xitay hakimiyiti teripidin qanliq basturulup, xitay hökümitining Uyghurlargha qaritiwatqan zorawan siyasitini dunyagha körsitishke yéterlik pakit bolidighan "5 - féwral ghulja qirghinchiliqi" weqesi sadir bolghan idi.

Bu yil bu qanliq weqening yüz berginige top ‏ - toghra 11 boldi. Bu munasiwet bilen chet'ellerde yashawatqan Uyghurlar "ghulja weqesi" ning 10 yilliqini xatirilesh yüzisidin, xitaygha qarshi keng - kölemlik namayish pa'aliyitini bashlidi.

3 - Féwral yeni yekshenbe küni fransiyidiki Uyghurlar, sanining az bolushigha qarimastin, parizhdiki xitay bash elchixanisining aldida 1 - bolup namayish ötküzdi.

Bügünki bu pa'aliyetning asasliq teshkilligüchisi we bashqurghuchisi bolghan erkin ependi namayish qatnashquchiliri we bu yerge yighilghan fransiyiliklerge " 5 - féwral ghulja weqesi" ning kélip chiqish sewebi, jeryani we xitay hökümiti teripidin qandaq basturulghanliqi heqqide Uyghur we fransuz tilida nutuq sözlidi.

Uningdin kéyin bügünki bu pa'aliyetning yene bir teshkilligüchisi bolghan ekber ependi ziyaritimizni qobul qildi. Axirida namayish qatnashquchiliridin bolghan kérim ependi namayish heqqide öz tesiratlirini bayan qilip ötti.

"5 - Féwral ghulja weqesi" munasiwiti bilen parizhdiki xitay bash elchixanisi aldida ötküzülgen xatirilesh pa'aliyiti shu yer waqti chüshtin kéyin sa'et 15:00 - 1700 giche ikki sa'et dawam qilip netijilik axirlashqan. (Aygul yüsüp)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet