گۇئانتانامودىكى ئۇيغۇرلارنىڭ ئادۋوكاتى تۈرمە ھەربىي دائىرىلىرىگە نارازىلىق بىلدۈردى

ﺳﯜﺭﻩﺕ، ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﻰ ﺳﻪﭘﯩﺮﯨﺪﻩ، ﻣﯘﺧﺒﯩﺮﯨﻤﯩﺰﻧﯩﯔ ﺗﯧﻠﯧﻔﻮﻥ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺭﻭﺷﻪﻥ ﺧﺎﻧﯩﻢ ﯞﻩ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﻩ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ 17 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺑﺎﺵ ﺋﺎﺩﯞﻭﻛﺎﺗﻰ ﺳﯧﻴﺒﯩﻦ ﯞﯦﻠﻠﯩﺖ ﺋﻪﭘﻪﻧﺪﻯ ﮔﯘﺋﺎﻧﺘﺎﻧﺎﻣﻮ ﺗﯜﺭﻣﯩﺴﯩﻨﯩﯔ ﺳﯩﺮﺗﯩﺪﺍ.

27 ‏- ئۆكتەبىر كۈنى 17 كىشى بىلەن كۆرۈشمەكچى بولغان ئادۋوكات سېيبىن ئەپەندى دۈشمەن جەڭچىسى ھېسابلانمىغان بۇ ئۇيغۇرلارنى يەنىلا كىشەنلەنگەن ھالدا كۆرۈشنى خالىماي، ئامېرىكا مۇداپىئە مىنىستىرلىقىدىن ئۇلار بىلەن زەنجىر ۋە كىشەنسىز ئەركىن ھالدا ئۇچرىشىشنى تەلەپ قىلغان .

بىراق ئادۋوكاتنىڭ مەزكۈر تەلىپى گۇئانتانامودىكى ھەربىي دائىرىلەر تەرىپىدىن رەت قىلىنغان بولۇپ، بۇنىڭغا نارازىلىق بىلدۈرگەن سېيبىن ۋېللىت ئەپەندى سوتنىڭ ھۆكۈمىدىن كېيىنمۇ قويۇپ بېرىلمەي ئىزچىل تۇتۇپ تۇرۇلۇۋاتقان ئۇيغۇرلار بىلەن، ئىگۋانا لاگىرىدىكى تۆمۈر رېشاتكىلىق قورونىڭ سىرتىدا تۇرۇپ 6 سائەت سۆھبەتلەشكەن.

تەرجىمانلىق ۋەزىپىسىنى ئۆتەۋاتقان، ئۇيغۇر ئامېرىكا بىرلەشمىسىنىڭ مۇئاۋىن رەئىسى، روشەن خانىم گۇئانتانامودا تېلېفۇن زىيارىتىمىزنى قوبۇل قىلىپ بىزگە بۇ ھەقتە مەلۇمات يەتكۈزدى.

يۇقىرىقى ئاۋاز ئۇلىنىشىدىن، بۇ تېلېفون سۆھبىتىنىڭ تەپسىلاتىنى ئاڭلايسىز.