Gérmaniyidiki Uyghurlar qurban héyt namizini birge oqudi

26-Öktebir küni gérmaniyining myunxén shehiridiki Uyghurlar d u q yighin zaligha toplinip, qurban héyt namizini birge ötidi we wetendiki mezlum xelqi üchün nijatliq tilep du'a qildi.
Ixtiyariy muxbirimiz ekrem
2012-10-26
Élxet
Pikir
Share
Print
Gérmaniyidiki Uyghurlar qurban héytni birge ötküzdi. 2012-Yili 26-öktebir, gérmaniye.
Gérmaniyidiki Uyghurlar qurban héytni birge ötküzdi. 2012-Yili 26-öktebir, gérmaniye.
Photo: RFA

Ish küni bolushigha qarimay, namazgha myunxén shehiridiki Uyghur jama'itining hemmisi dégüdek kelgen bolup, xatip bolghuchi kishi namazdin ilgiri tepsir qilip, Uyghurlarni öz dinigha we milliy kimlikige sadiq bolushqa chaqirdi. Namazdin kéyin sherqiy türkistanning musteqilliqi, Uyghur xelqining hör, azadliqi üchün du'a qilindi. Jama'et namazdin tarighandin kéyin, myunxén shehiridiki Uyghur réstoranlirida we öz-ara bir-birining öyliride héyt petisi qilishni bashliwetti.

D u q diniy ishlar komitétining re'isi, bügünki namazning imami bolghan turghunjan alawudun ependi ziyaritimizni qobul qilip, özining héytliq tileklirini bildürdi. Gérmaniyidiki Uyghur moysipitliridin enwerjan ependimu öz xelqige bolghan héytliq salamlirini yollidi.

D u q diniy ishlar komitétining bu yilqi ehmiyetlik ishliridin biri, her yilqigha oxshash yawropada yashawatqan Uyghurlar we türk jama'itining qurbanliq üchün atighan pullirini yighip, Uyghur ilidiki shéhitlar a'ilisige hem mohtajlargha yollash boldi. Ular bir aydin buyan bu toghrisida teshwiqat pa'aliyetliri élip barghan idi.

Toluq bet