Myunxén chet'ellikler mejlisining mu'awin re'isi esqerjan bilen söhbet

• Ixtiyari muxbirimiz ekremning bu heqtiki melumati
• Download story audio

Gérmaniye fédéral jumhuriyiti eger yawropaning sana'et tereqqiyat merkizi hésaplansa, gérmaniyidiki bawariye shtati gérmaniyining sana'et we medeniyet tereqqiyat merkizi bolup hésaplinidu.

Uyghurlarning gérmaniyidiki orni, d u q we yawropa sherqiy türkistan birliki teshkilatlirining bash shitabining bawariyining paytexti myunxén'gha jaylashqanliqi bilenla emes, belki bu sheherdiki Uyghurlarning bashqa milletlerge sélishturghanda ma'arip, medeniyet we ish saheliride qolgha keltürgen utuqliri bilen ölchinidu.

Myunxén chet`ellikler mejlisining mu'awin re'isi esqerjan ependi bilen élip barghan söhbitimizdin, siz Uyghurlarning gérmaniyidiki, bolupmu bawariye shtatidiki ornining zadi qanchilik ikenliki heqqide belgilik melumatqa érisheleysiz.

Esqerjan ependi Uyghurlar mesilisining bawariye parlaméntida tonulghan bir mesile haligha kélip bolghanliqini tilgha élish bilen birge, myunxén chet`ellikler mejlisining Uyghurlar mesilisini téximu janliq anglitiwatqanliqini eskertti.

Gérmaniye Uyghurliri duch kéliwatqan eng qéyin mesile, bir qisim Uyghurlarning siyasiy panahliq telipining qobul körülmeslik mesilisi idi. Bu heqtiki so'alimizgha esqerjan ependi jawap bérip, Uyghurlarning panahliq telipining qobul körülüsh nisbitining bashqa milletlerge sélishturghanda yenila aldinqi orunda turidighanliqini we 75% Uyghurning mesilisining hel bolghanliqini tilgha aldi.

Söhbet jeryanida esqerjan ependining éytishiche, Uyghur ösmürlirining aliy derijilik ottura mektepke qobul qilinish nisbiti 50%tin ashqan bolup, bashqa chet`elliklerge sélishturghanda nechche hesse yuqiri turidiken. Uyghur ösmürlirining sewiyisi hetta gérman ösmürlirining sewiyisidinmu yuqiri iken.

Chet`ellikler mejlisining mu'awin re'isi esqerjan ependi yene, gérmaniyidiki ata – anilarning öz perzentlirige qattiq telep qoyushidiki sewep heqqide toxtaldi.