Ghulja weqesining 10 yilliqi munasiwiti bilen amérikida we gollandiyide namayish ötküzüldi


2007-02-05
Share

Amérikidiki namayishtin bir körünüsh

Bügün 5 ‏- féwral küni, men amérikining paytexti washin'gtondiki xitay bash elchixanisi aldida turup, buningdin 10 yil ilgiri Uyghur diyarining ghulja shehiride, ghulja yashliri teripidin uyushturulghan tinchliq namayishining xitay hökümiti teripidin qoralliq basturulush weqeside hayatidin ayrilghanlarni yad étish we hazirgha qeder türmilerge tashlinip, qéyin - qistaqqa éliniwatqan Uyghur yashlirining erkinlikke chiqishi üchün xitay hökümitige öz naraziliqini bildürüwatqan namayish ehlining dat - peryatlirini silerge anglitiwatimen.

Gerche hawa intayin soghuq bolsimu, bir qanche yillardin buyan bu künde, xitay elchixanisi aldigha kélishni untup qalmighan Uyghurlar bügünmu özlirining xitay hökümitige bolghan naraziliqini izchil bildürüp kelmekte. Bu yil Uyghur milli herikitining siyasiy rehbiri, dunya Uyghur qurultiyining re'isi rabiye qadir xanimning teshebbusi bilen herqaysi döletlerde yashawatqan Uyghurlar namayish we bashqa oxshimighan shekillerde ghulja weqesini xatirilesh pa'aliyiti ni dawamlashturdi.

Mana körüp turuptimen, namayishqa bash bolup qatnishiwatqan rabiye qadir xanim namayishchilarning aldida turup, nahayiti jushqun keypiyatta shu'ar towlap, namayish ehlining jasaritige - jasaret, küchige ‏- küch qoshuwatidu. Men rabiye qadir xanimning shu minutlarda qelbide urghuwatqan oy - pikirlirini siler bilen birlikte uqup béqish üchün, uni sözge teklip qilishdim.

Namayishqa amérikidiki xelq'ara kechürüm teshkilati, xelq'ara kishilik hoquqni közitish teshkilatining wekilliri qatniship söz qildi. Namayishqa yene, falun'ggung muritliri bilen xitay démokratlirimu qatnashti.

Namayish ehli qollirida ay yultuzluq kök bayraq we "Uyghurlarning kishilik hoquq depsendichiliki toxtilsun", "Uyghurlargha erkinlik", " Uyghur siyasiy mehbusliri erkinlikke chiqsun", "Uyghurlargha démokratiye" dep yézilghan chong xetlik lozunkilarni igiz kötürüp, jarangliq shu'ar towlashmaqta.

Elchixana aldidiki chong kochidin ötüp kétiwatqan amérkiliqlargha, Uyghurlarning nöwettiki weziyiti tekitlen'gen teshwiq wereqiliri tarqitildi. Démokratiye we kishilik hoquqni hemmidin ewzel bilidighan amérikiliqlar, namayishchilarning shu'arliridin we ularning qolliridiki lozunkilardin Uyghurlarning démokratiye, erkinlik we kishilik hoquq üchün küresh qiliwatqanliqini bilgendin kéyin, namayishchilargha alahide hésdashliq bildürüshti. Bu qétimliq namayish 2 sa'et dawam qildi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet