Ғулҗа вәқәсиниң 10 йиллиқи мунасивити билән германийә вә норвегийидә дағдуғилиқ намайиш өткүзүлди


2007-02-03
Share

norwegiye-namayish-200.jpg
Норвегийидики намайиштин бир көрүнүш

Д у қ рәиси рабийә қадир ханимниң тәшәббуси билән ғулҗа вәқәсиниң 10 йиллиқини хатириләш паалийәтлири һәр қайси әлләрдә охшимиған шәкилләрдә давам қилмақта. Дуня уйғур қурултийи баш шитабиниң орунлаштуруши, явропа шәрқий түркистан бирлики вә шәрқий түркистан информатсийә мәркизиниң һәмкарлишиши билән, 3 – феврал күни германийиниң мюнхен шәһридә кәң көләмлик намайиш елип берилди. Норвегийидики уйғурларму норвегийә уйғур комитетиниң тәшкиллишидә "5-фәврал ғулҗа вәқәси" ниң 10 йиллиқини хатирләш йүзисидин осло шәһридә хитайға қарши дағдуғилиқ намайиш вә коча йүрүши елип барди.

Бу қетимқи намайишқа германийини уйғур тәшкилатлириниң әзалири вә һәр қайси юртлардин кәлгән йүзлигән уйғур җамаити қатнашқандин сирт, герман тәшкилатлири, түрк вә ислам тәшкилатлири һәмдә хәлқара инсан һәқлири тәшкилатлириниң әзалири вә рәһбәрлири иштирак қилди.

Норвегийидики уйғурларму дуня уйғур қурултийиниң бир туташ чақириқи вә норвегийә уйғур комитетиниң тәшкиллишидә "5-фәврал ғулҗа вәқәси" ниң 10 йиллиқини хатирләш йүзисидинн осло шәһридә хитайға қарши дағдуғилиқ намайиш вә коча йүрүши елип барди.

Намайишчилар дәсләп, осло шәһәр мәркизидики падиша сарийиға тутишидиған мәркизи кочидин шәрқий түркистанниң ай – юлтузлуқ көк байриқи вә һәр хил лозунка, пилакатларни көтүргән һалда тизилип йолға чиқти, намайишчилар йол бойи норвег вә инглиз тиллирида "хитай диктатор!" " хитай тәррорист!" дегән шоарларни товлап маңди.

Бүгүн бу кочида адәмләр интайин коп болуп, намайишчиларниң дағдуғилиқ көрүниши , шуниңдәк лозунка вә плакатларға йезилған сөзләр, кочида кетиватқан норвегийиликләрниң күчлүк диққәт етибарини қозғиди. Намайиш қошуниниң икки тәрипидә кетиватқан мәхсус орунлаштурулған тәшвиқат гурупписидикиләр бир тәрәптин қиззиқучиларниң соаллириға җавап бәргәч, йәнә бир тәрәптин бугүнки намайишниң мәқсити вә уйғурларниң әһвали қисқичә тонуштурулған тәшвиқат вариқини йол бойи тарқитип маңди.

Намайишчилар шәһәр мәркизидики парламент бинаси алдиға келип тохтап, әтрапқа йиғилған кишиләргә аваз кучәйткүчи канай билән хитай һөкүмитиниң уйғурларға йүргүзүватқан милли зулум сиясити, " 5-фәврал ғулҗа вәқәси" ниң җәрянини норвег тилида сөзләп чүшәндүрди.

Намайишчилар шәһәр мәркизидики коча йүрүши вә тәшвиқат паалийитини тамамлиғандин кейин, хитайниң ослода турушлуқ баш әлчиханиси алдиға топлинип намайишни давам қилди. Улар җараңлиқ аваз билән: "яшисун ғулҗа шедитлири !" "вәтән қәһриманлири өлмәйду!" "уйғурларға әркинлик", " сияси мәһбусларға әркинлик", " диний әркинликимиз қайтуруп берилсун", " пиланлиқ туғут сияситини тохтат", " хитайлар шәрқий түркистандин йоқалсун", " хитайлар тәррорист", дегәндәк шуарларни товлап әтрапни ләрзигә салди.

Бугүнки бу намайиш чүш саәт 12 дин үчкичә уч саәт давам қилди, намайишқа осло шәһири вә норвегийиниң башқа җайлардин кәлгән 60 кә йеқин уйғурлар вә гезит мухбирлири иштирак қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт