Ghulja weqesining 10 yilliqi munasiwiti bilen gérmaniye we norwégiyide daghdughiliq namayish ötküzüldi
2007.02.03

D u q re'isi rabiye qadir xanimning teshebbusi bilen ghulja weqesining 10 yilliqini xatirilesh pa'aliyetliri her qaysi ellerde oxshimighan shekillerde dawam qilmaqta. Dunya Uyghur qurultiyi bash shitabining orunlashturushi, yawropa sherqiy türkistan birliki we sherqiy türkistan informatsiye merkizining hemkarlishishi bilen, 3 – féwral küni gérmaniyining myunxén shehride keng kölemlik namayish élip bérildi. Norwégiyidiki Uyghurlarmu norwégiye Uyghur komitétining teshkillishide "5-fewral ghulja weqesi" ning 10 yilliqini xatirlesh yüzisidin oslo shehride xitaygha qarshi daghdughiliq namayish we kocha yürüshi élip bardi.
Bu qétimqi namayishqa gérmaniyini Uyghur teshkilatlirining ezaliri we her qaysi yurtlardin kelgen yüzligen Uyghur jama'iti qatnashqandin sirt, gérman teshkilatliri, türk we islam teshkilatliri hemde xelq'ara insan heqliri teshkilatlirining ezaliri we rehberliri ishtirak qildi.
Norwégiyidiki Uyghurlarmu dunya Uyghur qurultiyining bir tutash chaqiriqi we norwégiye Uyghur komitétining teshkillishide "5-fewral ghulja weqesi" ning 10 yilliqini xatirlesh yüzisidinn oslo shehride xitaygha qarshi daghdughiliq namayish we kocha yürüshi élip bardi.
Namayishchilar deslep, oslo sheher merkizidiki padisha sariyigha tutishidighan merkizi kochidin sherqiy türkistanning ay – yultuzluq kök bayriqi we her xil lozunka, pilakatlarni kötürgen halda tizilip yolgha chiqti, namayishchilar yol boyi norwég we in'gliz tillirida "xitay diktator!" " xitay terrorist!" dégen sho'arlarni towlap mangdi.
Bügün bu kochida ademler intayin kop bolup, namayishchilarning daghdughiliq körünishi , shuningdek lozunka we plakatlargha yézilghan sözler, kochida kétiwatqan norwégiyiliklerning küchlük diqqet étibarini qozghidi. Namayish qoshunining ikki teripide kétiwatqan mexsus orunlashturulghan teshwiqat guruppisidikiler bir tereptin qizziquchilarning so'allirigha jawap bergech, yene bir tereptin bugünki namayishning meqsiti we Uyghurlarning ehwali qisqiche tonushturulghan teshwiqat wariqini yol boyi tarqitip mangdi.
Namayishchilar sheher merkizidiki parlamént binasi aldigha kélip toxtap, etrapqa yighilghan kishilerge awaz kucheytküchi kanay bilen xitay hökümitining Uyghurlargha yürgüzüwatqan milli zulum siyasiti, " 5-fewral ghulja weqesi" ning jeryanini norwég tilida sözlep chüshendürdi.
Namayishchilar sheher merkizidiki kocha yürüshi we teshwiqat pa'aliyitini tamamlighandin kéyin, xitayning osloda turushluq bash elchixanisi aldigha toplinip namayishni dawam qildi. Ular jarangliq awaz bilen: "yashisun ghulja shéditliri !" "weten qehrimanliri ölmeydu!" "Uyghurlargha erkinlik", " siyasi mehbuslargha erkinlik", " diniy erkinlikimiz qayturup bérilsun", " pilanliq tughut siyasitini toxtat", " xitaylar sherqiy türkistandin yoqalsun", " xitaylar terrorist", dégendek shu'arlarni towlap etrapni lerzige saldi.
Bugünki bu namayish chüsh sa'et 12 din üchkiche uch sa'et dawam qildi, namayishqa oslo shehiri we norwégiyining bashqa jaylardin kelgen 60 ke yéqin Uyghurlar we gézit muxbirliri ishtirak qildi.
Munasiwetlik maqalilar
- Fransiyide 5 - féwral ghulja weqesini xatirlesh pa'aliyiti ötküzüldi
- Bir atining ghulja weqesidin kéyin tutqun qilinip öltürülgen oghli heqqidiki eslimiliri(3)
- Dunya Uyghur qurultiyi axbarat yighini ötküzdi
- Bir atining ghulja weqesidin kéyin tutqun qilinip öltürülgen oghli heqqidiki eslimiliri(2)
- Qirghizistan Uyghurliri ghulja weqesini xatirilimekchi
- Bir atining ghulja weqesidin kéyin tutqun qilinip öltürülgen oghli heqqidiki eslimiliri(1)
- Amérikida weten qehrimanlirini esleydighan 29 - may küni Uyghurlar némini eslidi?
- 1962 – Yildiki ghulja qanliq weqesi heqqide eslime
- Qirghizistandiki Uyghurlar 5-féwral weqesini xatirilidi