Бир атиниң ғулҗа вәқәсидин кейин тутқун қилинип өлтүрүлгән оғли һәққидики әслимилири(5)


2007-02-06
Share

Бундин 10 йил бурун йәни 1997 - йили 2 - айниң 5 - күни ғулҗа шәһридә ғулҗа яшлириниң хитай һөкүмити тәрипидин дәпсәндә боливатқан һәқ - һоқуқлирини қайтурвелиш вә тәләп қилиш һәркити елип берилған иди. яшларниң тинч йол билән елип барған бу һәққани һәриктини өзлиригә тәһдит, дәп билгән хитай һөкүмити қораллиқ қисимлирини ишқа селип қанлиқ қирғинчилиқ елип берип, дуняни һәйран қалдурған ғулҗа вәқәсини пәйда қилған иди.

Хитай һөкүмитиниң бу хил қирғинчилиқи ғулҗа вәқәсидин кейинму изчил давамлишип, или вилайити даирисдә чоң көләмлик тутқун қилиш һәркити елип барған. Ғулҗа шәһиригә йеқин қорғас наһийисидиму нәччә йүзлигән яшларни тутқин қилип, әйни чағда пүтүн қорғас наһийисини матәмгә чөмдүргән 37 - балиға мәхпи сот һөкүми илан қилип, 7 сигә өлүм җазаси бирип, милтиқ билән етип өлтүрүштәк вәһшиликни садир қилған иди.

Булар ғулҗа вәқәсидин кийин тутқун қилинған яшларниң бир қисми болуп, буларға 1999 - йили 1 - айниң 25 - күни сот һөкүми илан қилип, абдушукур нуруллам, һәсәнҗан мусаҗан, нурмәмәт исмаил, аблимит мәмәт, аблиз осман қатарлиқ йәттә балиға өлүм җазаси бирип, шу күни наһәқ һалда милтиқ билән етип ташлиған. Пәрһад моллахун, һәсәнҗан мәмәтләр мудәтсиз қамақ җазасиға һөкүм қилинған. Нәби мәмәт, әркин әмәт, мәмәтҗан абдуреһмлар 20 йиллиқтин қамақ җазасиға һөкүм қилинған, қалғанлириниң һәммиси 20 йилиқтин төвән қамақ җазасиға һөкүм қилинған. Хитай һөкүмити тәрипидин етиветилгән 7 шиһдниң мейити хитай һөкүмити тәрипидин мәҗбури һалда қорғас наһийиси қош ериқ кәнтиниң күн чиқиш тәрипидики янбулақ йолиниң бойиға көмүветилгән вә шиһидләр көмүветилгән бу җайни хәлқиниң йоқлиши қаттиқ мәни қилинған. Бугүнки күндә бу қәбриләр кичиккинә топа дөвиси һалитидә алдиқи қурда төт киши, кейинки қурда үч киши нам - нишансиз ғерибсинип ятмақта. Әмма уларниң роһи, изгү арманлири әл қәлибигә орнап кәткән. Гәрчә хитай һөкүмити уларниң қәбрилирини йоқлашни мәни қилған болсиму әл қәлбиниң сеғинишини әслишини тусуп қалалмиған уларниң варислири бүгүнки күндә дуняниң һәрқайси җайлирида улар үчүн дуа уқуп, уларниң арманлири үчүн көрәшмәктә.

Әл сөйгән, әл ишқида янған мәрһум нахшичи күрәш көсән әпәнди һаят вақтида бу шеһитләрниң паҗиәлик тәқдири һәққидә бир атиниң қол язмисини авазға алған иди. Бүгүн биз хитай һөкүмити тәрипидин қурбан қилинған 7 шеһитни вә көрәш көсәнни әсләш үчүн буни силәрниң һозуриңларға сундуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт