گېرمانىيىدە ئىككى جۇمھۇرىيەتنى خاتىرىلەش پائالىيىتى
2007.11.12
11 - ئاينىڭ 11 - كۈنى د ۇ ق نىڭ گېرمانىيىدىكى باش شىتابىدا ئىككى جۇمھۇرىيەتنى خاتىرىلەش پائالىيىتى ئۆتكۈزۈلگەن. بۇ پائالىيەتكە دۇق رەھبەرلىرى ۋە ئەزالىرىدىن كۆپلىگەن كىشى قاتناشقان. پائالىيەتتە 1933 - يىلى 11 - ئاينىڭ 12 - كۈنى قەشقەردە قۇرۇلغان „شەرقىي تۈركىستان ئىسلام جۇمھۇرىيىتى" بىلەن 1944 - يىلى 11 - ئاينىڭ 12 - كۈنى غۇلجىدا قۇرۇلغان „شەرقىي تۈركىستان جۇمھۇرىيىتى"نىڭ تارىخى ئەھمىيىتى ھەققىدە ماقالىلار ئوقۇلغان ھەم ئىلمىي مۇھاكىمىلەر ئېلىپ بېرىلغان.
تارىخچىلار 20 - ئەسىرنىڭ دەسلەپكى يېرىمىدا قۇرۇلغان بۇ ئىككى جۇمھۇرىيەتنى 19 - ئەسىرنىڭ ئاخىرى قەشقەرىيە ئۇيغۇر دۆلىتى ئاغدۇرۇلغاندىن كېيىنكى، ئۇيغۇرلارنىڭ خىتاي تاجاۋۇزىغا خاتىمە بېرىپ، ئۆزىنىڭ ئىگىلىك ھوقۇقىنى ئەسلىگە كەلتۈرگەن مىللىي دۆلەتلىرىدىن ئىبارەت ئىدى، دەپ قارايدۇ ۋە ئۇيغۇرلارنىڭ ئاخىرقى جۇمھۇرىيىتىنىڭ 1949 - يىلى قىزىل كوممۇنىست خىتاي تەرىپىدىن ئاغدۇرۇلغانلىقىنى تىلغا ئالىدۇ.
2004 - يىلى دۇق ھەر يىلى 11 - ئاينىڭ 12 - كۈنىنى ئۇيغۇرلارنىڭ دۆلەت بايرىمى، دەپ بېكىتىپ ئۇنى قۇتلۇقلاشنى تەشەببۇس قىلغاندىن كېيىن، چەتئەللەردىكى ئۇيغۇرلار ھەر يىلى ئاي - يۇلتۇزلۇق كۆك بايراقلار ۋە شەرقىي تۈركىستان دۆلىتىنىڭ دۆلەت گېربى ئالدىدا يىغىلىپ، بۇ جۇمھۇرىيەتلەرنى خاتىرىلەپ كەلمەكتە ھەمدە بۇ ھەقتە ھەر خىل ئىلمىي مۇھاكىمىلەر ئېلىپ بېرىشنى داۋاملاشتۇرماقتا. (ئەكرەم)
مۇناسىۋەتلىك ماقالىلار
- گېرمانىيىنىڭ خىتايغا قارىتا يېڭى سىياسىتى
- ئۇيغۇر ئۆسمۈرلىرى ئانا ۋەتىنىگە تەلپۈنمەكتە
- تۈركىيىنىڭ قەيسىرى ۋىلايىتىدىمۇ ئىككى شەرقىي تۇركىستان جۇمھۇرىيىتى خاتىرىلەندى
- گېرمانىيىدە جۇمھۇرىيەت بايرىمى ئۆتكۈزۈلدى ۋە مەرھۇم كۈرەش كۈسەننىڭ نەزىرىسى بېرىلدى
- قىرغىزىستان ئۇيغۇرلىرى جۇمھۇرىيەت كۈنىنى خاتىرىلىدى
- نورۋېگىيىدە شەرقىي تۈركىستان جۇمھۇرىيەتلىرى خاتىرىلەندى
- شۋېتسىيىدە ئىككى جۇمھۇرىيەت ۋە مەرھۇم كۆرەش كۈسەن ئەپەندى خاتىرىلەندى
- تۈركىيىدە شەرقىي تۈركىستان جۇمھىرىيەتلىرى خاتىرىلەندى
- قازاقىستاندىكى ئۇيغۇرلار شەرقىي تۈركىستان جۇمھۇرىيەتلىرىنى خاتىرىلىدى
- ئەنقەرەدە شەرقىي تۈركىستان جۇمھۇرىيەتلىرى خاتىرىلەندى