Mérkélning xitay ziyariti harpisida gérmaniye dölet mexpiyetlik organliri xitayning jasusluq hujumigha uchrighan

• Muxbirimiz ekremning bu heqtiki toluq melumati
• Download story audio

Yéqinda gérmaniye bash ministiri an'géla mérkél xanim xitayni ziyaret qilip, xitay bash ministiri wén jyabaw qatarliq xitay rehberliri bilen körüshüp, gérmaniye bilen xitayning köp tereplimilik hemkarliq munasiwetliri heqqide pikir almashturdi.

Bu ziyaretke xitay we gérmaniye terep alahide ehmiyet bergen idi. Melumatlargha qarighanda, uchrishish jeryanida an'géla mérkél xanim xitaydiki insan hoquqi mesililirini tilgha élip, xitay rehberlirini öz xelqining insan hoquqi we démokratik erkinlikige köngül bölüshke chaqirghan.

Xewerlerdin qarighanda, mérkél xanimning ziyariti harpisida gérmaniye ministirlar mehkimisining kompiyutérlirining xitay herbiy terep jasusluq orginining hujumigha uchrighanliqi ashkarilan'ghan bolup, gérmaniye asasi qanunni qoghdash idarisi we fédératsiye axbarat - téxnika bixeterlik idarisi melumat élan qilip, gérmaniye ministirlar mehkimisidiki her qaysi organlarning kompiyutérlirigha qilin'ghan bu hujumining xitay armiyisi jasusluq organliri teripidin élip bérilghanliqini ashkarilidi. Biraq, xitay terep buni inkar qilghan.

Tehlilchiler bu ehwalning gérmaniye-xitay hemkarliqigha selbiy tesir élip kélidighanliqini bildürüshmekte. (Ekrem)