Göher memet: shinjangdin kétishke tégishlikler biz emes

Ürümchide xitay tijaretchilerning milliy kemsitish xaraktéridiki til haqaret hujumigha uchrighanliqi seweblik, béyjinggha erz üchün kelgen sha'ire göher memet, béyjingdiki alaqidar orunlarningmu ret qilishigha uchrighan. U bu ehwalgha naraziliq bildürüsh üchün  aldinqi küni bir guruppa Uyghur erzdarlar bilen birlikte  tyen'enmén meydanigha namayish üchün barghanda béyjing saqchiliri teripidin tutup kétilip, béyjingdiki erzdarlarni yighiwélish merkizige ikki kün qamap qoyulghan.

Göher memet bügünki söhbitimiz dawamida, aldi bilen  özining béyjingda yoluqqanliri, arqidin ürümchidiki waqtida hökümet organliri teripidin érishken jawabliri heqqide melumat berdi.

Göher memet béyjinggha kélishning aldida, polat zawuti rehberlik orgini, tudungxaba rayonluq milliy ishlar komitéti, aptonom rayonluq erziyet idarisi qatarliq her derijilik alaqidar organlarghimu erzini bayan qilghan. Emma, ulardin qana'etlinerlik emes, belkim heyran qalarliq jawablargha érishken:
Hörmetlik radi'o anglighuchilar, göher memet til-haqaret hujumigha uchrighan küni uninggha  qattiq tesir qilghini, xitaylarning " Uyghurlar shinjangdin yoqulush"! dégen sözi bolghan. Göher memet ulargha " shinjangdin yoqulushqa tégishlikler Uyghurlar emes" dep jawab qayturghan. Döletlik erziyet idarisidin qana'etlinerlik jawabqa érishelmigen göher memet, aldimizdiki künlerde, béyjingdiki  birleshken  döletler teshkilatining kishilik hoquq ishxanisi hem amérika elchixanisining kishilik hoquq bölümige özi yoluqqan milliy kemsitish weqesi heqqide ehwal melum qilmaqchi.