Gollandiyide yarilan'ghan ekberjanning salametliki qismen eslige keldi

Ekberjanning salametliki qismen eslige kelgen lékin jinayetchi xitay heqqide gumanliq perezlerdin bashqa birer delillik uchur yoq.
Ixtiyariy muxbirimiz pida'iy
2011.03.01
xitay-teripidin-yarilandurulghan-gollandiyidiki-uyghur-ekberjan-305.jpg Siyasiy panahliq tiligüchi ekberjan yataqdishi abing famililik bir xitay teripidin pichaqlinip éghir yarilandurulghan. 2011-Yili yanwar.
RFA/pidaiy

Biz aldinqi qétim gollandiyidiki panahlinish lagérida 17-yanwar axshimi yüz bergen, siyasiy panahliq tiligüchi Uyghur yash ekberjanning, yataqdishi abing isimlik bir xitay teripidin pichaqlinip yarilandurulghanliqi heqqide deslepki uchur bergen iduq. Ziyankeshlikke uchrighuchi Uyghur ekberjan tahir kéyinki qétimliq ziyaritimizni ret qilghanliqi üchün bir mezgil bu heqte uchur bérish mumkinchiliki bolmidi.

Weqe yüz bérip bir hepte ötkende gollandiye chiqidighan “Métro” namliq kündilik gézitte “Uyghurlar gollandiyidimu xitaylardin qorqidu” namliq xewer élan qilinip, bu weqedin xorluq hés qilghuchilargha yene bésim chüshken bolsimu, dunya Uyghur qurultiyining mu'awin re'isi séyit tümtürk ependi bashliq rehberler we chonglar yashlarni qaramliq qilmay, salmasliq bilen ish körüshke agahlandurushi netijiside bu ishlar bir mehel peslep qalghan idi.

Milliy mesililerge segek qarighuchi bir qisim Uyghurlar shu chaghda bu heqte her xil inkaslarni qayturghan idi.

Aridin bir aydin köprek waqit ötkendin kéyin, ziyankeshlikke uchrighuchi ekberjanning hazirqi ehwali heqqidiki uchurgha qiziqquchilarning telipige asasen uni qayta ziyaret qilduq.

Hazir ekberjanning salametliki qismen eslige keptu. Weqening jawabkari üstidin téxi höküm chiqirilmighan bolup, bu heqte yéqin kelgüside sot échilidiken. Mezkur lagérdiki alaqidar kishiler bu heqte ziyaritimizni ret qilghanliqi üchün hazirche jinayetchi xitay heqqide gumanliq perezlerdin bashqa birer delillik uchur igiliyelmiduq. Perez qilghuchilar jinayetchi xitayning türmide ikenlikidin guman qilidighanliqini, belki uning gollandiyidiki yene bir namelum lagérgha yötkiwétilgenliki texmin qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.