Gollandiyidiki iptarliq yighilishta sherqiy türkistan heqqide filim körsitildi

4-Awghust gollandiyining harlim shehiridiki “Selmiye jamesi” ge yighilghan iptarchilar sherqiy türkistanning diniy, milliy, siyasiy, iqtisadiy we ijtima'iy saheliri chüshendürülgen filimni körüp, Uyghurlar we ularning wetini heqqidiki melumatlirini toluqlidi.
Ixtiyariy muxbirimiz pida'iy
2012-08-06
Share
Gollandiye-dini-telim-305.jpg Gollandiyidiki Uyghurlar kéchilik ibadetliride dini telim almaqta. 2012-Yili awghust.
RFA/Pida’iy

Gollandiyidiki “Yawropa sherqiy türkistan ma'arip jem'iyiti” ning orunlashturushi bilen ötküzülgen bu pa'aliyetke 100 ge yéqin Uyghurdin bashqa, “Selmiye jamesi” ning 300 ge yéqin türk er-ayal jama'itimu qatnashti.Iptarchilar iptar waqtini kütmekte. 2012-Yili 4-awghust, gollandiye.

“Yawropa sherqiy türkistan ma'arip jem'iyiti” ning wekili iptar munasiwiti bilen uzundin biri Uyghurlarni qollap kéliwatqan “Selimiye jamesi” ning jama'etlirige rehmitini bildürdi. Uyghur polusi we Uyghur suyuq'ashliri bilen ghizalan'ghan iptar ehlimu Uyghurlargha rehmet éytip, beriketler tilidi hemde sham, xupten we terawih namazlirini birge qilip, öylirige qaytishti.

Kéyin 50 din artuq Uyghur “Selmiye jamesi” de tünep, namaz, qira'et, wez-nesihet we du'alar bilen dewr qilghan ibadetlirini, taki sohurluq waqtighiche dawam qildi. Seher sohurluqtin kéyin bamdat namizini oqup, andin tarqilishti.
Kéche namaz ariliridiki du'alirida weten ichi-sirtidiki wetendashlarning heqqidimu du'alar qilindi. Bolupmu, 2008-yili 4-awghust qeshqer shehiride xitay armiyisige hujum qilghan abduraxman azad bilen qurbanjan himitlar we ularning ish-izliri alahide yad qilindi.

Munasip yerlerge yetküzüp bérish meqsiti bilen, ramzan éyida ada qilinishqa tégishlik “Pitir sediqisi” toplandi. Zakat we bashqa munasiwetlik ibadetlerge alaqidar mesililerde duch kelgen so'allargha, jawablar bérildi.

“Yawropa sherqiy türkistan ma'arip jem'iyiti” her yili ramzan aylirida mushundaq pa'aliyetlerni teshkillep, gollandiyide yashawatqan Uyghurlarni xushal qilmaqta.

Melum bolushiche aldimizdiki shenbe küni ular, barliq abitlar üchün purset déyilidighan “Shebi qedir kéchisi” diki peziletlerni qolgha keltürüsh üchün, yene bir qétimliq pa'aliyet teshkilleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet