Gollandiyidiki Uyghur jem'iyiti saylam ötküzdi


2008-02-18
Share

17- Féwral küni gollandiyide yashawatqan Uyghurlar bir yerge jem bolup,gollandiye Uyghur jem'iyitining yingi rehberlirini saylap chiqqan. Saylamgha qatnashquchilarning bildürüshiche, bu saylam gollandiyige Uyghurlar kélip yerleshkendin buyanqi kölimi eng chong, teyyarliq xizmetliri uzun mezgil ishlen'gen, eng démokratik usulda élip bérilghan bir qétimliq saylam bolghan.

Saylamda utup chiqqanlar saylamdin kéyin jama'et aldida qesem bérip wezipe tapshurup alghan we gollandiyide Uyghur dewa ishlirining tereqqiyati üchün jan dil bilen xizmet qilidighanliqlirini bildürüshken. Gollandiye Uyghur jem'iyitining re'islikige Uyghur xelqining ataghliq tarixchisi turghun almas ependining oghli murat almas ependi saylan'ghan, bextiyar shemshidin, gheyret rozilar mu'awin re'islikke, abdusalam nijat bash katipliqqa saylan'ghan.

Gollandiye Uyghur jem'iyitining yéngidin saylan'ghan re'isi murat almas ependi téléfon ziyaritimizni qobul qilip, saylamdin kéyinki hés-tuyghulirini sözlep berdi.

Gollandiye Uyghur jem'iyiti bu qétimqi saylam arqiliq 9 kishlik idare hey'itini qurup chiqqan bolup, mu'awin re'is gheyret rozining bildürüshiche: bu qétim jem'iyet terkipide oqughan, aliy melumatliq yashlar köprek bolup, bu gollandiyide Uyghur dewa ishlirining barghanche mukemmellishishige qarap kitiwatqanliqidin direk béridiken.

Yuqiridiki ulinishtin, ixtiyari muxbirimiz yalqunning gheyret ependi bilen élip barghan téléfon ziyaritini anglaysiler.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet